ବ୍ରହ୍ମପୁର ଅଫିସ,୨୯ା୧୨: ବ୍ରହ୍ମପୁର ଭିଜିଲାନ୍ସ ବିଭାଗ କନ୍ଧମାଳ ଜିଲା ବାଲିଗୁଡା ବନଖଣ୍ଡ ବ୍ରାହ୍ମଣୀଗଁା ଫରେଷ୍ଟର କୈଳାସ ଚନ୍ଦ୍ର ସାହୁଙ୍କୁ ଶନିବାର ଅଟକ ରଖିଛି। ଶୁକ୍ରବାର ତାଙ୍କ ବାସଭବନ ସମେତ ବିଭିନ୍ନ ସ୍ଥାନରେ ଚଢାଉ କରାଯାଇ ୧ କୋଟିରୁ ଊର୍ଦ୍ଧ୍ୱ ଟଙ୍କାର ସ୍ଥାବର ଓ ଅସ୍ଥାବର ସମ୍ପତ୍ତି ଭିଜିଲାନ୍ସ ଆକଳନ କରିଥିଲା। ସେହିପରି ଭିଜିଲାନ୍ସ ଶନିବାର ମଧ୍ୟ ତାଙ୍କ ସମ୍ପତ୍ତିର ଆକଳନ ଜାରି ରଖିଛି ବୋଲି ଏସ୍ପି ମାୟାଧର ସ୍ବାଇଁ ସୂଚନା ଦେଇଛନ୍ତି। ଫରେଷ୍ଟର କୈଳାସଙ୍କ ଠାବ ହୋଇଥିବା ୧ କୋଟି ୧୪ ଲକ୍ଷ ୪୧୧ ଟଙ୍କା ସମ୍ପତ୍ତିର ହିସାବ ଜେରା ସମୟରେ ସେ ଦେଇପାରି ନ ଥିବା ବେଳେ ଶନିବାର ବ୍ରହ୍ମପୁର ଲୋଚପଡା ଅଞ୍ଚଳରେ ଥିବା ତାଙ୍କ ଅନ୍ୟ ଏକ ବାସଭବନର ମୂଲ୍ୟ ଆକଳନ ଚାଲିଥିବା ଏସ୍ପି ସ୍ବାଇଁ କହିଛନ୍ତି।
ପ୍ରକାଶଯେ, କୈଳାସ ପୂର୍ବରୁ ତୁମୁଡିବନ୍ଧ, କେ.ନୂଆଗଁା ବ୍ଲକରେ ଫରେଷ୍ଟର ଥିବା ବେଳେ ତାଙ୍କ ନାମରେ ସରକରୀ ଅର୍ଥ ହଡପ ଅଭିଯୋଗ ହୋଇଥିଲା। ଶୁକ୍ରବାର କୈଳାସଙ୍କ ରେଞ୍ଜ ଅଫିସ, ବାଲିଗୁଡା ବଜାର କଲୋନୀ ବାସଭବନ ସମେତ ୭ ସ୍ଥାନରେ ଭିଜିଲାନ୍ସ ଟିମ୍ ଚଢାଉ କରିଥିଲେ।