ଲଣ୍ଡନ, ୨୯ା୫ (ଏଏଫ୍ପି)-କରୋନାଭାଇରସ୍ ଆଶଙ୍କା ସତ୍ତ୍ୱେ ଓ୍ବେଷ୍ଟଇଣ୍ଡିଜ ଦଳ ସହ ଇଂଲଣ୍ଡ ଟୁର୍ରେ ଯିବା ଲାଗି ମୋର ଆଗ୍ରହ ରହିଛି ବୋଲି କହିଛନ୍ତି ଫାଷ୍ଟ ବୋଲର କେମର ରୋଚ୍। କ୍ୟାରିବିୟାନ ଦଳ ଇଂଲଣ୍ଡରେ ୩ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବ। ପ୍ରକୃତରେ ଏହି ସରିଜ ଜୁନ୍ରେ ଖେଳାଯାଇଥାନ୍ତା। କିନ୍ତୁ ବିଶ୍ୱରେ କରୋନା ଭାଇରସ୍ ବ୍ୟାପିଯିବାରୁ ବିଳମ୍ବ ଘଟିଛି। ଏହା ଜୁଲାଇ ୮, ୧୬ ଓ ୨୪ରୁ ରୁଦ୍ଧଦ୍ୱାରରେ ଖେଳାଯିବ। ହାମ୍ପଶାୟାରର ଏଜିିଆସ୍ ବାଓଲ୍ ଏବଂ ଲାଙ୍କାଶାୟାରର ଓଲ୍ଡ ଟ୍ରାଫୋର୍ଡଠାରେ ମ୍ୟାଚ ଖେଳାଯିବ। ବାର୍ବାଡୋସ୍ରେ ଜନ୍ମିତ ୩୧ ବର୍ଷୀୟ ରୋଚ୍ ଚଳିତ ସପ୍ତାହରେ ଟ୍ରେନିଂକୁ ଫେରିଛନ୍ତି। କ୍ରିକେଟ ପାଇଁ ଇଂଲଣ୍ଡରେ ସୁନ୍ଦର ପରିବେଶ ଏବଂ ସୁବିଧାସୁଯୋଗ ରହିଛି। ସେଠାରୁ କିଛି ସ୍ମରଣୀୟ ସ୍ମୃତି ନେଇ ଫେରିବା ଲାଗି ଆଶା ରଖିଛନ୍ତି ଏହି ଓ୍ବେଷ୍ଟଇଣ୍ଡିଆନ୍ ଫାଷ୍ଟ ବୋଲର। ଇଂଲଣ୍ଡରେ ମୁଁ ବ୍ୟକ୍ତିଗତ ୨୦୦ ଉଇକେଟ ପୁରଣ କରିବା ଲକ୍ଷ୍ୟ ରଖିଛି। ଦଳ ସେଠାରେ ସିରିଜ ବିଜୟୀ ହୋଇ ଫେରିବା ଲାଗି ଲକ୍ଷ୍ୟ ରଖିଛି ବୋଲି ରୋଚ୍ କହିଛନ୍ତି।
