ନୂଆଦିଲ୍ଲୀ, ୨୧।୫: ମେ ୩୦ରୁ ଇଂଲଣ୍ଡରେ ଆରମ୍ଭ ହେଉଛି ବିଶ୍ୱକପ୍ ମହାସମର। ଏଥିପାଇଁ ଭାରତୀୟ କ୍ରିକେଟ ଦଳ ମଙ୍ଗଳବାର ଇଂଲଣ୍ଡ ଅଭିମୁଖେ ଯାତ୍ରା କରିବାର କାର୍ଯ୍ୟକ୍ରମ ରହିଛି। ଏହାପୂର୍ବରୁ କୋଚ୍ ରବି ଶାସ୍ତ୍ରୀ ଏବଂ ଫିଲ୍ଡିଂ କୋଚ୍ ଆର୍.ଶ୍ରୀଧର ଶିରିଡି ପହଞ୍ଚି ସାଇବାବାଙ୍କ ଦର୍ଶନ କରିଛନ୍ତି। ଶ୍ରୀଧର ନିଜ ଟୁଇଟର୍ ଫଟୋ ଶେୟାର କରିଛନ୍ତି। ସୂଚନାଯୋଗ୍ୟ, ବିଶ୍ୱକପ୍ ପୂର୍ବରୁ ଭାରତୀୟ ଦଳ ପାଇଁ ଖୁସି ଖବର ରହିଛି। ଅଲରାଉଣ୍ଡର କେଦାର ଯାଦବ ଫିଟ୍ନେସ୍ ଟେଷ୍ଟରେ ପାସ୍ ହୋଇଛନ୍ତି।