ନୂଆଦିଲ୍ଲୀ,୨୧।୧: କ୍ରିକେଟ୍ ଖେଳରେ ଶ୍ରେଷ୍ଠତ୍ୱ ଜାରି ରଖିଥିବା ବିରାଟ କୋହଲୀ ଇଣ୍ଟରନେଟ୍ ସର୍ଚ୍ଚରେ ମଧ୍ୟ ଏକ ନମ୍ବର ସ୍ଥାନରେ ରହିଛନ୍ତି। ୨୦୧୫ ଡିସେମ୍ବର ରୁ ୨୦୧୯ ଡିସେମ୍ବର ମଧ୍ୟରେ ସର୍ବାଧିକ ୟୁଜର ବିରାଟଙ୍କୁ ସର୍ଚ୍ଚ କରିଛନ୍ତି। ଏନେଇ ହୋଇଥିବା ଏକ ସର୍ଭେ ରିପୋର୍ଟରେ ଏହା ପ୍ରକାଶ ପାଇଛି। ବିରାଟଙ୍କ ପଛକୁ ଏମ୍.ଏସ୍. ଧୋନୀ, ରୋହିତ ଶର୍ମା, ସଚିନ୍ ତେନ୍ଦୁଲକର, ହାର୍ଦ୍ଦିକ ପାଣ୍ଡ୍ୟା ଏବଂ ଯୁବରାଜ ସିଂଙ୍କ ନାମ ରହିଛି। ୟୁଜର ଗତ ୪ ବର୍ଷ ମଧ୍ୟରେ ବିରାଟଙ୍କୁ ୧୭ ଲକ୍ଷ ୬୦ ହଜାର ଥର ସର୍ଚ୍ଚ କରିଥିବାବେଳେ ଧୋନୀଙ୍କ ୯ଲକ୍ଷ ୫୦୯ ହଜାର ଥର ସର୍ଚ୍ଚ କରିଛନ୍ତି। ସେହିପରି ରୋହିତ ଶର୍ମା, ସଚିନ୍ ତେନ୍ଦୁଲକର, ହାର୍ଦ୍ଦିକ ପାଣ୍ଡ୍ୟା ଏବଂ ଯୁବରାଜ ସିଂଙ୍କୁ ଯଥାକ୍ରମେ ୭ ଲକ୍ଷ ୩୩ ହଜାର, ୪ ଲକ୍ଷ ୫୧ ହଜାର, ୩ ଲକ୍ଷ ୬୮ ହଜାର ଏବଂ ୩ ଲକ୍ଷ ୩୮ ହଜାର ଥର ସର୍ଚ୍ଚ କରାଯାଇଥିବା ଏହି ରିପୋର୍ଟରେ ଦର୍ଶାଯାଇଛି।
