ମୁମ୍ବାଇ, ୧୯।୬: ଲୋକପ୍ରିୟ ଟିଭି ଶୋ’ ‘ଇଣ୍ଡିଆଜ୍ ଗଟ୍ ଟ୍ୟାଲେଣ୍ଟ’ ଶୋ’ର ନିର୍ମାତା ଶୋହନ ଚୌହାନଙ୍କ ସନ୍ଦେହଜନକ ଭାବେ ମୃତ୍ୟୁ ହୋଇଛି। ମୁମ୍ବାଇର ଆରେ କଲୋନୀସ୍ଥିତ ରୟାଲ୍ସ ପାମ୍ପ୍ସରୁ ଉଦ୍ଧାର କରାଯାଇଛି। ଶୋହନଙ୍କ ଅଚାନକ ମୃତ୍ୟୁରେ ଛୋଟ ପରଦାରେ ଶୋକର ଛାୟା ଖେଳିଯାଇଛି। ପୋଲିସ ମୃତଦେହ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି। ଘଟଣାଦିନ ସୋହନ ଘରେ ଏକୁଟିଆ ଥିଲେ। ତାଙ୍କ ସ୍ତ୍ରୀ ଦିଲ୍ଲୀରେ ଥିଲେ। ପୋଲିସ କହିବା ମୁତାବକ, ଶୋହନଙ୍କ ବିବାହକୁ ମାତ୍ର ୭ ମାସ ପୂରିଛି। ଜୁନ ୧୩ ତାରିଖରେ ସେ ଶେଷଥର ପାଇଁ ସୋସିଆଲ ମିଡିଆରେ ଆକ୍ଟିଭ୍ ଥିଲେ। ସୂଚନାଯୋଗ୍ୟ, ଶୋହନ ‘ଇଣ୍ଡିଆଜ୍ ଗଟ୍ ଟ୍ୟାଲେଣ୍ଟ’-ସିଜିନ୍ ୭ ଏବଂ ମାଷ୍ଟର ସେଫ୍ ଇଣ୍ଡିଆ ସିଜିନ୍-୬ର ପ୍ରଯୋଜନା କରିଥିଲେ।