ଭୁବନେଶ୍ୱର, ୧୨-୯(ବ୍ୟୁରୋ): ଇଣ୍ଡିଆନ ଅଏଲ ଭୁବନେଶ୍ୱର ଡିଭିଜନାଲ କାର୍ଯ୍ୟାଳୟ ପକ୍ଷରୁ ପାର୍ବଣ ଅଭିଯାନ ‘ତ୍ୟୋହାର କି ଉମଙ୍ଗ ଇଣ୍ଡିଆନ ଅଏଲ କି ସଙ୍ଗ’ ଶୁଭାରମ୍ଭ ଘୋଷଣା କରାଯାଇଛି। ସ୍ଥାନୀୟ ନୟାପଲ୍ଲୀ ସ୍ଥିତ ଭମ୍ରା ସର୍ଭିସେସ ସେଣ୍ଟରଠାରେ କମ୍ପାନୀର ମୁମ୍ବାଇସ୍ଥିତ ମୁଖ୍ୟ କାର୍ଯ୍ୟାଳୟର ରିଟେଲ ସେଲ୍ସ କାର୍ଯ୍ୟନିର୍ବାହୀ ନିର୍ଦ୍ଦେଶକ ବିଜ୍ଞାନ କୁମାର, ଓଡ଼ିଶା କାର୍ଯ୍ୟାଳୟ ମୁଖ୍ୟ ମହାପ୍ରବନ୍ଧକ ଶୁଭଜିତ ଘୋଷ, ରିଟେଲ ସେଲ୍ସ ସାଧାରଣ ପ୍ରବନ୍ଧକ କୁମାର ଜ୍ୟୋତି ରାଏ ଏବଂ ସାଧାରଣ ପ୍ରବନ୍ଧକ ବାଣି ମହାନ୍ତି ଏହାର ଉନ୍ମୋଚନ କରିଛନ୍ତି। ଭୁବନେଶ୍ୱର ଡିଭିଜନ ପରିସରରେ ଥିବା କମ୍ପାନୀର ୨୩୧ ଫଲିଂ ଷ୍ଟେଶନରେ ଉକ୍ତ ଯୋଜନା ଆରମ୍ଭ ହୋଇଛି। ଏହା ନଭେମ୍ବର ମାସ ଶେଷ ଯାଏ ଚାଲିବ। ଅଭିଯାନ ଶେଷରେ ବମ୍ପର ଲକି ଡ୍ର ଅନୁଷ୍ଠିତ ହେବ। ପ୍ରଥମ ପୁରସ୍କାର ଭାବେ ଗୋଟିଏ ହ୍ୟୁଣ୍ଡାଇ ଗ୍ରାଣ୍ଡ ଆଇ୧୦ ନିଓସ କାର ଗ୍ରାହକ ଲାଭ କରିପାରିବେ। ସେହିଭଳି ୨ଟି ସ୍କୁଟି, ୨ଟି ଏଲ୍ଇଡି ଟିଭି, ୧୮ଟି ସ୍ମାର୍ଟଫୋନ, ୧୮ଟି ମିସ୍କର ଗ୍ରାଇଣ୍ଡର ଏବଂ ୩୬ଟି ଆଇରନ ପୁରସ୍କାର ରହିଛି। ୨ ଏବଂ ୪ ଚକିଆ ଗ୍ରାହକ ଯଥାକ୍ରମେ ଅନ୍ୟୁନ ୩୦୦ ଓ ୧୨୦୦ ଟଙ୍କାର ତେଲ ପକାଇଲେ ଲକି ଡ୍ରରେ ଭାଗ ନେଇ ପାରିବେ। ଗୋଟିଏ ମେସେଜରେ ସେମାନେ ଏଥିରେ ଭାଗ ନେବେ। ମେସେଜ ମଧ୍ୟରୁ ଲକି ଡ୍ରରେ ଭାଗ୍ୟଶାଳୀ ବିଜେତା ଚୟନ କରାଯିବ ବୋଲି କମ୍ପାନୀ ପକ୍ଷରୁ କୁହାଯାଇଛି।