ଭାସ୍କୋ, ୧୦।୧୨-
ଚଳିତ ଆଇଏସ୍ଏଲ୍ (ଇଣ୍ଡିଆନ ସୁପରଲିଗ୍)ରେ ଗୁରୁବାର ଖେଳାଯାଇଥିବା ଜାମଶେଦପୁର ଏଫ୍ସି ଓ ଇଷ୍ଟବେଙ୍ଗଲ ମ୍ୟାଚ ଡ୍ର ରହିଛି। ଦୁଇ ଦଳର କୌଣସି ଖେଳାଳି ଗୋଲ ଦେବାରେ ସଫଳ ହୋଇ ନ ଥିଲେ। ଫଳରେ ଉଭୟ ଦଳକୁ ପଏଣ୍ଟ ଭାଗ କରିବାକୁ ପଡ଼ିଛି। ପ୍ରଥମ ଥର ପାଇଁ ଆଇଏସ୍ଏଲ୍ ଖେଳୁଥିବା ଇଷ୍ଟବେଙ୍ଗଲ ଏହି ମ୍ୟାଚରେ ପଏଣ୍ଟ ଖାତା ଖୋଲିଛି। ପ୍ରଥମ ୩ଟି ମ୍ୟାଚରେ ଦଳ ଏଟିକେ ମୋହନବାଗାନ, ମୁମ୍ବାଇ ସିଟି ଏଫ୍ସି ଓ ନର୍ଥଇଷ୍ଟ ୟୁନାଇଟେଡ ନିକଟରୁ ହାରି ଯାଇଥିଲା। ଫଳରେ ପଏଣ୍ଟ ଟେବୁଲର ନିମ୍ନରେ ଅପରିବର୍ତ୍ତିତ ରହିଛି। ଅନ୍ୟପକ୍ଷରେ ୫ ମ୍ୟାଚରୁ ୧ ବିଜୟ, ୩ଡ୍ର ଓ ୧ ପରାଜୟ ସହ ୬ ପଏଣ୍ଟ ପାଇଥିବା ଟେବୁଲର ୫ମ ସ୍ଥାନକୁ ଉନ୍ନୀତ ହୋଇଛି ଜାମଶେଦପୁର।