ଅଗଷ୍ଟ ୧୭ ତାରିଖ ହେଉଛି ଇଣ୍ଡୋନେସିଆର ସ୍ବାଧୀନତା ଦିବସ। ଏହିଦିନକୁ ଇଣ୍ଡୋନେସିଆ ବାସୀ ବେଶ୍ ଧୁମ୍ଧାମ୍ରେ ପାଳନ କରନ୍ତି। ପାରମ୍ପରିକ ପର୍ବ ପାଳନ ସହ ଆତସବାଜି ହୁଏ। ବିଭିନ୍ନପ୍ରକାର ପ୍ରତିଯୋଗିତା ବି ଆୟୋଜନ କରାଯାଏ। ସେହି ପ୍ରତିଯୋଗିତା ମଧ୍ୟରେ ତାଳଗଛ ଚଢିବା ପ୍ରତିଯୋଗିତା ବହୁତ କଷ୍ଟକର। ଏଥିରେ ଚାରିଜଣିଆ ଟିମ୍ ଅଂଶଗ୍ରହଣ କରନ୍ତି। ପ୍ରତିଯୋଗିତାକୁ କଠିନ କରିବା ପାଇଁ ଗଛର ଗଣ୍ଡିରେ ତେଲ ଲଗାଯାଇଥାଏ। ଏମିତି ସ୍ଥିତିରେ ବି ଯେଉଁ ଦଳ ଗଛକୁ ଖୁବ୍ଶୀଘ୍ର ଚଢିପାରନ୍ତି ତାଙ୍କ ଉପରେ ଆୟୋଜକମାନେ ପାଣି ଢାଳନ୍ତି। ଯେଉଁମାନେ ଏହିସବୁ ପ୍ରତିବନ୍ଧକକୁ ସାମ୍ନାକରି ପ୍ରଥମେ ଉପରକୁ ଚଢିପାରନ୍ତି, ସେହି ଦଳ ବିଜୟୀ ହୁଅନ୍ତି। ଗଛର ଉପରଭାଗରେ ଟଙ୍କା ସହ ବିଭିନ୍ନ ପୁରସ୍କାର ବି ଥାଏ। ତାକୁ ମଧ୍ୟ ପ୍ରତିଯୋଗୀ ଆଣିପାରିବେ।