ମାଲକାନଗିରି,୩୦।୬(ଡି.ଏନ୍.ଏ.): ମାଲକାନଗିରି ଜିଲା ମାଥିଲି ଥାନା କୁକୁରକୁଣ୍ଡର ୩ ଗ୍ରାମବାସୀଙ୍କୁ ମାଓବାଦୀ ଉଠାଇ ନେଇଥିଲେ। ପୋଲିସ ଇନଫର୍ମର ସନ୍ଦେହରେ ମାଓବାଦୀ ସେମାନଙ୍କୁ ଉଠାଇନେଇଥିବା ବେଳେ ସେମାନଙ୍କ ମଧ୍ୟରୁ ଜଣଙ୍କ ଗଳାକାଟି ହତ୍ୟା କରିଛନ୍ତି। ମୃତ ବ୍ୟକ୍ତି ହେଲେ ଗୁଜା କୋବାସୀ। ଶନିବାର ପ୍ରଜାକୋର୍ଟ କରି ମାଓବାଦୀ ତାଙ୍କ ଗଳାକାଟି ଦେଇଥିଲା ବେଳେ ଅନ୍ୟ ୨ ଜଣ ଅପହୃତ ମାସା ସୋ ଓ ଉଙ୍ଗା କାଲମାରିଙ୍କୁ ମାଓବାଦୀ ନିସ୍ତୁକ ମାଡ଼ ମାରି ଛାଡ଼ି ଦେଇଛନ୍ତି। ଏ ଘଟଣା ପରେ ଗ୍ରାମବାସୀ ଭୟଭୀତ ହୋଇପଡ଼ିଛନ୍ତି।
ସୂଚନାଯୋଗ୍ୟ, ପ୍ରଥମ ଦୁଇ ଗ୍ରାମବାସୀଙ୍କୁ ଅପହରଣ କରାଯାଇଥିବା କୁହାଯାଉଥିବା ବେଳେ ପରେ ୩ ଜଣଙ୍କୁ ଅପହରଣ କରାଯାଇଥିବା ଜଣାପଡିଥିଲା।
