ଲିସବନ୍,୩୦।୧: ଇନ୍ଷ୍ଟାଗ୍ରାମ୍ରେ ପର୍ତ୍ତୁଗାଲର ଫୁଟବଲ ତାରକା କ୍ରିଷ୍ଟିୟାନୋ ରୋନାଲ୍ଡୋଙ୍କ ଫଲୋଅର୍ସ ସଂଖ୍ୟା ୨୦ କୋଟି ଟପିଛି। ଏଭଳି ଉପଲବ୍ଧି ହାସଲ କରିଥିବା ସେ ପ୍ରଥମ ବ୍ୟକ୍ତି ବୋଲି କୁହାଯାଉଛି। ଖୋଦ୍ ଇନ୍ଷ୍ଟାଗ୍ରାମ୍ର ଫଲୋଅର୍ସ ସଂଖ୍ୟା ୩୩ କୋଟି ରହିଛି। ଇନ୍ଷ୍ଟାଗ୍ରାମ୍ ପଛକୁ ରୋନାଲ୍ଡୋ ରହିଥିବାବେଳେ ତୃତୀୟ ସ୍ଥାନରେ ଆମେରିକା ଗାୟିକା ଏରିୟାନା ଗ୍ରାଣ୍ଡେ ରହିଛନ୍ତି। ତାଙ୍କjର ଫଲୋଅର୍ସ ସଂଖ୍ୟା ୧୭ କୋଟି ୩୦ ଲକ୍ଷ ରହିଥିବା ଇନ୍ଷ୍ଟାଗ୍ରାମ୍ ପକ୍ଷରୁ କୁହାଯାଇଛି। ଇନ୍ଷ୍ଟାଗ୍ରାମ୍ ପକ୍ଷରୁ ପ୍ରକାଶିତ ଏକ ଟପ୍ ଫଲୋଅର୍ସ ତାଳିକାରେ ଏହା ସୂଚିତ ହୋଇଛି। ଚତୁର୍ଥ ସ୍ଥାନରେ ଆମେରିକା ଅଭିନେତା ତଥା ମଲ୍ଲଯୋଦ୍ଧା ଦ୍ୱାଓ୍ବନେ ଜନଶନଙ୍କ ନାମ ରହିଛି। ତାଙ୍କ ଫଲୋଅର୍ସ ସଂଖ୍ୟା ୧୭ କୋଟି ରହିଛି। ସେହିଭଳି ୫ମ ସ୍ଥାନରେ ଆମେରିକା ଗାୟିକା ସେଲେନା ଗୋମେଜ୍ ରହିଛନ୍ତି। ତାଙ୍କର ୧୬ କୋଟି ୭୦ ଲକ୍ଷ ଫଲୋଅର୍ସ ଅଛନ୍ତି।