କରାଚୀ,୧୪।୧୧(ପି.ଟି.)- ପୂର୍ବତନ ପ୍ରଥମଶ୍ରେଣୀ କ୍ରିକେଟର ଇକ୍ବାଲ ଇମାମ ପାକିସ୍ତାନ ଜାତୀୟ ମହିଳା କ୍ରିକେଟ ଦଳର ହେଡ୍ କୋଚ୍ ଭାବେ ନିଯୁକ୍ତ ହୋଇଛନ୍ତି। ସେ ଅଷ୍ଟ୍ରେଲିଆରେ ଆସନ୍ତାବର୍ଷ ଆୟୋଜନ ହେବାକୁ ଥିବା ଟି୨୦ ବିଶ୍ୱକପ୍ ପର୍ଯ୍ୟନ୍ତ ଦାୟିତ୍ୱରେ ରହିବେ। ସେହିପରି ଅଲରାଉଣ୍ଡର ବିସ୍ମା ମାହାରୁଫ୍ ଅଧିନାୟିକା ପଦ ବଜାର ରଖିଛନ୍ତି। ଅନ୍ତର୍ଜାତୀୟ ମହିଳା ଟି୨୦ ବିଶ୍ୱକପ୍ ଫେବୃୟାରୀ ୨୧ରୁ ଆରମ୍ଭ ହୋଇ ମାର୍ଚ୍ଚ ୮ ତାରିଖରେ ଶେଷ ହେବ। ବିଶ୍ୱକପ୍ ପୂର୍ବରୁ ପାକିସ୍ତାନ ମହିଳା ଦଳ କୁଆଲାଲମ୍ପୁରରେ ଇଂଲଣ୍ଡକୁ ଭେଟିବ। ଇଂଲଣ୍ଡ ଓ ପାକିସ୍ତାନ ୩ଟି ଦିନିକିଆ ଓ ୩ଟି ଟି୨୦ ମ୍ୟାଚ୍ ଖେଳିବେ।
ନ୍ୟୁଜିଲାଣ୍ଡର ମାର୍କ କୋଲ୍ସ ଇସ୍ତଫା ଦେବା ପରେ ଇମାମଙ୍କୁ ଏହି ଗୁରୁ ଦାୟିତ୍ୱ ପ୍ରଦାନ କରାଯାଇଛି। ୧୦୫ଟି ଦିନିକିଆ ଖେଳିଥିବା ୨୮ ବର୍ଷୀୟା ମହାରୁଫ୍ ୧୦୩ଟି ଟି୨୦ ମ୍ୟାଚ୍ ମଧ୍ୟ ଖେଳିଛନ୍ତି। ୨୦୧୬ରେ ସେ ପାକିସ୍ତାନର ଟି୨୦ ଅଧିନାୟିକା ନିଯୁକ୍ତ ହୋଇଥିଲେ। ସେ ୧୫ ଦିନିକିଆ ଓ ୩୩ ଟି୨୦ ମ୍ୟାଚ୍ରେ ପାକିସ୍ତାନର ନେତୃତ୍ୱ ନେଇଛନ୍ତି। ସେହିପରି ଇମାମ ୧୪୭ଟି ପ୍ରଥମ ଶ୍ରେଣୀ ମ୍ୟାଚ୍ ୧୯୮୯ରୁ ୨୦୦୫ ମଧ୍ୟରେ ଖେଳିଛନ୍ତି। ୧୩୬ଟି ଉଇକେଟ ନେବା ସହ ସେ ୬, ୨୪୯ ରନ ସଂଗ୍ରହ କରିଛନ୍ତି।
