ଇସଲାମାବାଦ୍,୭।୧୧: କରତାର୍ପୁର ଯିବାକୁ ଚାହୁଁଥିବା ଭାରତୀୟ ଶ୍ରଦ୍ଧାଳୁଙ୍କ ପାଇଁ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାଁ ପାସପୋର୍ଟ ଜରୁରୀ ନୁହେଁ ବୋଲି ପ୍ରତିଶ୍ରୁତି ଦେଇଥିଲେ। ପାସପୋର୍ଟ ବ୍ୟତିତ ଅନ୍ୟ କୌଣସି ବୈଧ ପ୍ରମାଣପତ୍ର ଥିଲେ ମଧ୍ୟ ଶ୍ରଦ୍ଧାଳୁ କରତାର୍ପୁର ଆସିପାରିବେ ବୋଲି ସେ କହିଥିଲେ। ତେବେ ଇମ୍ରାନ୍ଙ୍କ ଏହି ପ୍ରତିଶ୍ରୁତି ଏବେ ପାଣିର ଗାର ସାବ୍ୟସ୍ତ ହୋଇଛି। ପାକିସ୍ତାନ ସୈନ୍ୟ ବାହିନୀ ନିଜର ଭେଟୋ ଅଧିକାର ପ୍ରଦର୍ଶନ କରି ଏବେ ଭାରତୀୟ ଶ୍ରଦ୍ଧାଳୁଙ୍କ ଲାଗି ପାସପୋର୍ଟ ଅନିବାର୍ଯ୍ୟ କରିଛି। ବିନା ପାସପୋର୍ଟରେ କୌଣସି ଶ୍ରଦ୍ଧାଳୁ କରତାର୍ପୁର ଆସିପାରିବେନି ବୋଲି ପାକିସ୍ତାନ ସୈନ୍ୟ ବାହିନୀ ପ୍ରବକ୍ତା ଆସିଫ୍ ଗଫୁର କହିଛନ୍ତି।