ନୂଆଦିଲ୍ଲୀ,୨୩ା୬: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଜଣେ ସହଯୋଗୀ କିମ୍ବଦନ୍ତୀ ଭାରତୀୟ ବ୍ୟାଟ୍ସମ୍ୟାନ ସଚିନ ତେନ୍ଦୁଲକରଙ୍କୁ ନେଇ ଦ୍ୱନ୍ଦ୍ୱରେ ଥିବା ଜଣାପଡ଼ିଛି। ପାକିସ୍ତାନ ପିଏମ୍ଙ୍କ ସ୍ପେଶାଲ ଆସିଷ୍ଟାଣ୍ଟ ନଇମ ଉଲ ହକ୍ ଶନିବାର ତେନ୍ଦୁଲକରଙ୍କ ଯୁବ ଅବସ୍ଥାର ଏକ ଫଟୋ ଶେୟାର କରିଥିଲେ। ଏହାର କ୍ୟାପଶନରେ ପିଏମ୍ ଇମ୍ରାନ ଖାନ ୧୯୬୯ ବୋଲି ସେ ଲେଖିଛନ୍ତି। ଏହି ପୋଷ୍ଟ ଶେୟାର କରିବା ପରେ ମାଇକ୍ରୋ ବ୍ଲଗିଂ ଓ୍ବେବସାଇଟ୍ରେ ଭାଇରାଲ ହୋଇଯାଇଛି। ଏହାପରେ ବହୁ କ୍ରିକେଟ ପ୍ରଶଂସକମାନେ ହକ୍ଙ୍କୁ ଟୁଇଟ୍ କରି ସମାଲୋଚନା କରିଥିଲେ। ଏଥିରେ ୭ ହଜାର ରିଟୁଇଟ୍ ହୋଇଛି। ଜଣେ ପ୍ରଶଂସକ ବିରାଟ କୋହଲିଙ୍କ ବାଲ୍ୟାକାଳର ଏକ ଫଟୋ ଶେୟାର କରି ଇଞ୍ଜମାମ ଉଲ ହକ୍ ୧୯୭୬ ବୋଲି କ୍ୟାପଶନରେ ଲେଖିଛନ୍ତି। ଆଉ ଜଣେ ଇମ୍ରାନ ଖାନଙ୍କ ପଟୋ କ୍ୟାପଶନରେ ସଚିନ ତେନ୍ଦୁଲକର ୧୯୮୮ ବୋଲି କମେଣ୍ଟ କରିଛନ୍ତି। ସେହିଭଳି ଜଣ ହାଇ ମାରୁଥିବା ଶିଶୁର ଫଟୋରେ ସର୍ଫରାଜ ୧୯୮୭ ବୋଲି କମେଣ୍ଟ ଦେଇଛନ୍ତି। ଏଆଇଏମ୍ଆଇଏମ୍ ମୁଖ୍ୟ ଅସାଦୁଦ୍ଦିନ ଓ୍ବାଇସ ଏହାକୁ ପୂର୍ବତନ କ୍ରିକେଟର ସଇଦ ଆନ୍ବାର ବୋଲି ଲେଖିଛନ୍ତି।