ଲୋକପ୍ରିୟ ଟେଲି ଧାରାବାହିକ ‘ଇମ୍ଲି’ ପ୍ରଶଂସକଙ୍କ ପାଇଁ ଏକ ଦୁଃଖଦ ଖବର। ଏହି ଶୋ’ର
ମୁଖ୍ୟ ଭୂମିକାରେ ଅଭିନୟ କରିଥିବା ଫହମାନ ଖାନ ଏବଂ ସୁମ୍ବୁଲ ତୌକିର ଆଉ ଏହି ଶୋ’ର ଅଂଶ ହେବାକୁ ଯାଉନାହାନ୍ତି। ଏହାକୁ ନେଇ ଏହି ଯୋଡି ସୋସିଆଲ ମିଡିଆକୁ ଯାଇ ଘୋଷଣା କରିଛନ୍ତି। ପୂର୍ବରୁ ଏହି ଖବର ସାମ୍ନାକୁ ଆସିଥିଲେ ମଧ୍ୟ ପ୍ରଶଂସକ ଏହାକୁ କେବଳ ଗୁଜବ ବୋଲି ଭାବୁଥିଲେ। ହେଲେ ଏହି ଗୁଜବ ଉପରେ ପୂର୍ଣ୍ଣଚ୍ଛେଦ ପକାଇ ଏହି ଯୋଡି ଶୋ’ ଛାଡୁଛନ୍ତି ବୋଲି କହିଛନ୍ତି। ଫାହମାନ ଇନଷ୍ଟାଗ୍ରାମକୁ ଯାଇ ଏକ ଭିଡିଓ ଶେୟାର କରି କହିଛନ୍ତି ଯେ, ତାଙ୍କ ପ୍ରଶଂସକମାନେ ସତ୍ୟ ଜାଣିବାକୁ ଯୋଗ୍ୟ। ଆର୍ଯ୍ୟନ ଏବଂ ଇମ୍ଲିଙ୍କର ବହୁତ ଭଲ ଯାତ୍ରା ଥିଲା। ସମସ୍ତ ଭଲ ଜିନିଷ ଶେଷ ହୋଇଯାଏ ଏବଂ କିଛି ସବୁଦିନ ପାଇଁ ରହି ନଥାଏ।
କହିରଖୁଛୁ, ଏହି ଶୋ’ରେ କିଛି ଦିନ ର ଲିପ୍ ଦେଖିପାରିବେ ଦର୍ଶକ। ଏଥିରେ ଇମଲି ଏବଂ ଆର୍ଯ୍ୟନଙ୍କ ଆଗାମୀ ପିଢିର ରୋଚକ କାହାଣୀ ଦେଖିବାକୁ ମିଳିବ। ସେଥିରେ ନୂତନ ଇମଲି ଏବଂ ଆର୍ଯ୍ୟନ ଭାବରେ ଅଭିନୟ କରିବେ।
