କୋଲକାତା, ୬ା୪ (ପି.ଟି.)- ଇଷ୍ଟ ବେଙ୍ଗଲ ଫୁଟ୍ବଲ ଟିମ୍ ରବିବାର ଭାରତୀୟ ବଂଶୋଦ୍ଭବ ଇରାନିଆନ ମିଡ୍ଫିଲ୍ଡର ଓମିଦ୍ ସିଂଙ୍କ ସହିତ ଦୁଇ ବର୍ଷିଆ ଚୁକ୍ତି କରିଛନ୍ତି। ଆସନ୍ତା ସିଜନ ଆରମ୍ଭରେ ସେ ଟିମ୍ ସହିତ ଯୋଗଦେବେ ବୋଲି ଇଷ୍ଟରବେଙ୍ଗଲ ଟପ୍ ଅଫିସିଆଲ ଦେବବ୍ରତ ସରକାର ସୂଚନା ଦେଇଛନ୍ତି। ୨୯ ବର୍ଷୀୟ ଲେଫ୍ଟ ଓ୍ବିଙ୍ଗରଙ୍କ ପ୍ରକୃତ ଜନ୍ମସ୍ଥାନ ହେଉଛି ପଞ୍ଜାବରେ। ତାଙ୍କ ନିକଟରେ ଭାରତୀୟ ପାସ୍ପୋର୍ଟ ରହିଛି। ବର୍ତ୍ତମାନ ସେ ପର୍ସିଆନ୍ ଗଲ୍ଫ ପ୍ରୋ-ଲିଗ୍ରେ ନାଫତ୍ ମାସଜିଦ୍ ସୋଲେମାନ୍ ଏଫ୍ସି ଦଳରୁ ଖେଳୁଛନ୍ତି। ଭାରତୀୟ କୋଚ୍ ଇଗୋର୍ ଷ୍ଟିମାକଙ୍କର ତାଙ୍କ ପ୍ରତି ବିଶେଷ ଆଗ୍ରହ ରହିଛି ବୋଲି ଓମିଦ୍ କୁହନ୍ତି। ଏପରି କି ଭାରତୀୟ ଦଳ ତରଫରୁ ଖେଳିବା ଲାଗି ତାଙ୍କୁ ସେ ଅଫର ମଧ୍ୟ ଦେଇଛନ୍ତି। ମୁଁ ସେଥିରେ ରାଜି ଅଛି। କୋଭିଡ୍-୧୯ ମହାମାରୀ ଯୋଗୁ ୪ ରାଉଣ୍ଡ ଖେଳ ପରେ ଆଇ-ଲିଗ୍କୁ ସ୍ଥଗିତ ରଖାଯାଇଛି। ଇଷ୍ଟ ବେଙ୍ଗଲ ବର୍ତ୍ତମାନ ପଏଣ୍ଟ ଟେବୁଲର ଦ୍ୱିତୀୟ ସ୍ଥାନରେ ରହିଛି।