ବାରିପଦା ଅଫିସ,୨।୮- ବାରିପଦା ସହର ୱାର୍ଡ ନଂ.୨୭ର ଦେବେନ୍ଦ୍ରପୁର ବସ୍ତି ଅଞ୍ଚଳରେ ବସବାସ କରୁଥିବା ଭୂମହୀନମାନଙ୍କୁ ଉଚ୍ଛେଦ କରିବା ପାଇଁ ବାରିପଦା ଉପଜିଲାପାଳ ନୋଟିସ କରିଛନ୍ତି। ଏହି ନୋଟିସକୁ ବାରିପଦା ପୌରାଞ୍ଚଳ ପଟ୍ଟାବିହୀନ ବାସିନ୍ଦା ସଂଘ ପକ୍ଷରୁ ବିରୋଧ କରାଯାଇଛି। ୱାର୍ଡ ବାସିନ୍ଦାଙ୍କୁ ନେଇ ଏକ ବୈଠକ ସଂଘର ସଭାପତି ନନ୍ଦ କୁମାର ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ବାରିପଦା ପୌରାଞ୍ଚଳରେ ଜମି ଅଧିକାର ଆଇନ କାର୍ଯ୍ୟକାରୀ କରାଯିବାରେ ଅହେତୁକ ବିଳମ୍ବ ହୋଇଛି। ଏହି ଆଇନ କାର୍ଯ୍ୟକାରୀ କରିବା ପରେ ୱାର୍ଡବାସିନ୍ଦାଙ୍କୁ ଉଚ୍ଛେଦ କରିବାକୁ ସଂଘ ଦାବି କରିଛି। ସଂଘ ପକ୍ଷରୁ ଏକ ବିଶାଳ ରାଲି କରାଯାଇ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିରୋଧ ପ୍ରଦର୍ଶନ କରାଯିବା ନେଇ ନିଷ୍ପତ୍ତି ନିଆଯାଇଛି। ସଂଘର ସାଧାରଣ ସମ୍ପାଦକ କାହ୍ନୁଚରଣ ବେହେରାଙ୍କ ସଂଯୋଜନାରେ ଅନୁଷ୍ଠିତ ଏହି ବୈଠକରେ ଆଇନଜୀବୀ ରବି ଗୋସ୍ବାମୀ, ଭାରତୀ ପାତ୍ର, ପ୍ରୀୟଜିତ ମଦିନା, ଦେବେନ୍ଦ୍ରନାଥ କୁଣ୍ଡୁ, ସେଖ ରାଜୁ, ଗୌର କାଳନ୍ଦି, ରଙ୍ଗଲତା ରାୟଚୌଧୁରୀ, ସୁଶୀଳା ତୁଙ୍ଗ, ପ୍ରସନ୍ନ ବିନ୍ଧାଣୀ, ବୁଧୁ ସିଂ, ରତିକାନ୍ତ ସେଠୀ, ପ୍ରଫୁଲ୍ଲ ଚନ୍ଦ୍ର ମହାନ୍ତି, ସୃଷ୍ଟିଧର ମହାନ୍ତ, ସୃଷ୍ଟିଧର ବେହେରା ଓ ମହେଶ୍ୱର ବେହେରାଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ।