ପୁରୀ ଅଫିସ,୧୭।୮ – ହୀରାକୁଦ ଗେଟ୍ ଖୋଲାଯିବା ପରେ ମହାନଦୀରେ ପ୍ରବାହିତ ହେଉଛି ବନ୍ୟା ପାଣି। ଫଳରେ ଏହାର ଶାଖା ନଦୀଗୁଡ଼ିକ ମଧ୍ୟ ଫୁଲିବାରେ ଲାଗିଛି। ଜିଲାର ଭାର୍ଗବୀ ନଦୀରେ ବନ୍ୟା ପାଣି ପ୍ରବାହିତ ହେବା ପରେ ଏହା ଉଚ୍ଛୁଳିଛି। ଏହାକୁ ନେଇ ଜିଲାର ନଦୀକୂଳିଆ ଗ୍ରାମବାସୀ ଆତଙ୍କିତ ଅବସ୍ଥାରେ ଥିବା ବେଳେ ଅନେକ ତଳିଆ ଅଞ୍ଚଳରେ ପାଣି ପଶିଛି। ପୁରୀ ସଦର ବ୍ଲକ ଅନ୍ତର୍ଗତ ବାଟଗଁ। -ଉତ୍ତରକୋଣା ରାସ୍ତା ଉପରେ ୨ ଫୁଟ ଉଚ୍ଚର ବନ୍ୟା ପାଣି ପ୍ରବାହିତ ହେଉଥିବା ବେଳେ ଏକାଧିକ ସ୍ଥାନରେ ଘାଇ ହୋଇଛି। ଅନ୍ୟପକ୍ଷରେ ପ୍ରଶାସନ ପକ୍ଷରୁ ବିଭିନ୍ନ ତଳିଆ ଅଞ୍ଚଳର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଥିବା ବେଳେ ରାତିରେ ପାଣି ବଢିବା ଆଶଙ୍କା କରି ଲୋକେ ଭୟଭୀତ ହୋଇପଡିଛନ୍ତି। ଏକାଧିକ ଗଁ। ର ଲୋକେ ରାସ୍ତା ଉପରେ ଆସି ଆଶ୍ରୟ ନେଇଛନ୍ତି। ଶୁକ୍ରବାର ପ୍ରଶାସନ ପକ୍ଷରୁ ୧୫୦ ଲୋକଙ୍କୁ ସୁରକ୍ଷିତ ଜାଗାକୁ ସ୍ଥାନାନ୍ତର କରାଯାଇଥିବା ଜଣାପଡିଛି।
ଭାର୍ଗବୀର ଜଳସ୍ତର ବୃଦ୍ଧି ପାଇଥିବାରୁ ପୁରୀ ସଦର ବ୍ଲକର ବାଟଗଁ। -ଉତ୍ତରକୋଣା ରାସ୍ତାର ନୂଆଗଁ। ଠାରେ ଥିବା କଲଭର୍ଟ ଉପରେ ୨ ଫୁଟ ଉଚ୍ଚର ପାଣି ପ୍ରବାହିତ ହେଉଛି। ଫଳରେ ଏହି ରାସ୍ତାରେ ଯାତାୟାତ ଏକପ୍ରକାର ବନ୍ଦ ରହିଛି। ଉତ୍ତରକୋଣା ଗଁ। ସମ୍ପୂର୍ଣ୍ଣ ଜଳବନ୍ଦୀ ହୋଇପଡିଛି। ଏହି ଗଁ। ରେ ପ୍ରାୟ ୩୦୦ ଲୋକ ରହୁଛନ୍ତି। ଏଠାରେ ବୋଟ ସହିତ ଗୋଟିଏ ଟିମ୍ ଓଡ୍ରାଫ୍ ପହଞ୍ଚତ୍ ଲୋକଙ୍କୁ ସୁରକ୍ଷିତ ସ୍ଥାନକୁ ନେଉଛନ୍ତି। ଏତଦ୍ବ୍ୟତୀତ ସମଙ୍ଗ ପଞ୍ଚାୟତର ତଳିଆ ଅଞ୍ଚଳ ସହିତ ତଳଜଙ୍ଗ ପଞ୍ଚାୟତର ତଳଜଙ୍ଗ, ଡିହସାହି, ନଈକୂଳ ସାହି, ଅପନ୍ତରା, ଗାଦିସାହି ପାଣି ଘେରରେ ରହିଛି। ଏହି ଗଁ। ଗୁଡ଼ିକର ଲୋକେ ଆତଙ୍କିତ ହୋଇପଡିଛନ୍ତି। ସେହିପରି ଗୋପୀନାଥପୁର ନୂଆସାହି, ମୁକୁନ୍ଦ ମିଶ୍ର ନଗର ଭଳି ତଳିଆ ଅଞ୍ଚଳରେ ପାଣି ପଶିଛି। ତଳଜଙ୍ଗରୁ ୧୦୧ ଏବଂ ଉତ୍ତରକୋଣାରୁ ୪୮ ଜଣଙ୍କୁ ସୁରକ୍ଷିତ ସ୍ଥାନକୁ ନିଆଯାଇଛି। ପୁରୀ ଓ ନିମାପଡ଼ା ଜଳ ସେଚନ ଡିଭିଜନର ରଥପୁରୁଷୋତ୍ତମପୁର, ଜମାରସୁଆଁ, ବାଲିଆ ଓ ସୁଆଣ୍ଡୋ ପ୍ରଭୃତି ସ୍ଥାନ ଅଧିକ ସମ୍ବେଦନଶୀଳ ଥିବାରୁ ଏହା ଉପରେ ସତର୍କ ଦୃଷ୍ଟି ରଖାଯାଇଛି। ପର୍ଯ୍ୟାପ୍ତ ବାଲିବସ୍ତା ଓ ଝାଉଁ ବହ୍ଲା ପ୍ରସ୍ତୁତ ରଖାଯାଇଛି। ଅନ୍ୟପକ୍ଷରେ ପିପିଲି କଣ୍ଟିଂରୁ ସକାଳେ ୪୦ ଜଣଙ୍କୁ ସୁରକ୍ଷିତ ସ୍ଥାନକୁ ଅଣାଯାଇଥିଲା। ହେଲେ ସନ୍ଧ୍ୟାରେ ସେମାନେ ଘରକୁ ଫେରିଥିବା ଜଣାପଡିଛି। ଭାର୍ଗବୀ ନଦୀର ଶାଖା କାଞ୍ଚତ୍ ନାଳରେ ପାଣି ପ୍ରବାହିତ ସମୟରେ ଆଖୁବାରୀ ନିକଟରେ ୧୫/୨୦ ଫୁଟର ଘାଇ ହୋଇଛି। ଫଳରେ ତଳଜଙ୍ଗ ନଈକୂଳ ସାହିର ୬୦ ପରିବାର ପାଣି ଘେରରେ ଥିବାବେଳେ ତଳଜଙ୍ଗ ୟୁଥ୍ କ୍ଲବ ପକ୍ଷରୁ ରୋଷେଇ କରାଯାଇ ଲୋକଙ୍କୁ ଦିଆଯାଇଛି। ଅଧିକାଂଶ ଲୋକ ରାସ୍ତା ଉପରେ ଆଶ୍ରୟ ନେଇଛନ୍ତି।