ଉଜୁଡ଼ି ଯାଉଛି ଉପକୂଳ ବନାଞ୍ଚଳ

ଭୋଗରାଇ, ୨୬।୨(ପ୍ରଦୀପ ଦାସ)-ପ୍ରକୃତିର ଅମୂଲ୍ୟ ସମ୍ପଦ ଜଙ୍ଗଲ। ପ୍ରକୃତିକୁ ସୁରକ୍ଷିତ ରଖିଲେ ଆମେ ସୁରକ୍ଷିତ ରହିପାରିବା। ସମୁଦ୍ର ଉପକୂଳବର୍ତ୍ତୀ ଜଙ୍ଗଲ ଦିନକୁ ଦିନ ଧ୍ୱଂସ ହୋଇଯାଉଥିବାରୁ ତାପମାତ୍ରା ବୃଦ୍ଧି ପାଇବା ସହିତ ପରିବେଶ ଉପରେ ଗଭୀର ପ୍ରଭାବ ପଡୁଛି। ଓଡ଼ିଶାରେ ୪୭.୦୩ ବର୍ଗ କି.ମି. ଅଞ୍ଚଳରେ ରହିଛି ଜଙ୍ଗଲ। ବାଲେଶ୍ୱର ଜିଲା ସୀମାନ୍ତ ଉଦୟପୁରଠାରୁ ଗଞ୍ଜାମର ଗୋପାଳପୁର ପର୍ଯ୍ୟନ୍ତ ୪୮୧କି.ମି. ବ୍ୟାପ୍ତ ବେଳାଭୂମିରେ ରହିଛି ବହୁ ମୂଲ୍ୟବାନ ଗଛ। ଏଥିସହିତ ବାଲେଶ୍ୱର ଜିଲା ଉଦୟପୁରଠାରୁ ଗୋପାଳପୁର ପର୍ଯ୍ୟନ୍ତ ୨୩୦.୪୫ ବର୍ଗଫୁଟ ବେଳାଭୂମିରେ ରହିଛି ବିଭିନ୍ନ ପ୍ରଜାତିର ଗଛ। ସାମୁଦ୍ରିକ ଝଡ଼ବାତ୍ୟାକୁ ପ୍ରତିରୋଧ କରିବା, ସମୁଦ୍ରକୂଳ ମୃତ୍ତିକା କ୍ଷୟକୁ ରୋକିବା, ପ୍ରକୃତି ଓ ପରିବେଶକୁ ସୁରକ୍ଷିତ ରଖିବା ନିମନ୍ତେ ୧୯୬୦ ମସିହାରୁ ସରକାରଙ୍କ ଦ୍ୱାରା ପ୍ରସ୍ତୁତ ଯୌଥ ଜଙ୍ଗଲ ଆଇନ ଲାଗୁ କରାଯାଇଥିବାବେଳେ ଏହାର ସୁଫଳ ମିଳୁନାହଁି।
ସର୍ଭେରୁ ଜଣାଯାଏ ଯେ, ବାର୍ଷିକ ମୁଣ୍ଡ ପିଛା କାର୍ବନ ଡାଇଅକ୍ସାଇଡ୍‌ ୨.୩ ଟନ୍‌ ବାୟୁମଣ୍ଡଳ ପାଇଁ ନିରାପଦ ଥିବାବେଳେ ବର୍ତ୍ତମାନ ଏହାର ନିର୍ଗମନ ୪.୮ ଟନ୍‌କୁ ବୃଦ୍ଧି ପାଇଛି। ଏଭଳି ସ୍ଥିତିରେ ଲୋକଙ୍କ ମଧ୍ୟରେ ସଚେତନତା ଅଭାବ, ବନବିଭାଗର ଦାୟିତ୍ୱହୀନତା, ଜଙ୍ଗଲ କାଠମାଫିଆଙ୍କ ଜଙ୍ଗଲ ଲୁଟ୍‌ ଓ ପ୍ରଶାସନର ନୀରବତା ଯୋଗୁ ଉପକୂଳ ବନାଞ୍ଚଳ ଧ୍ୱଂସ ପାଉଛି। ସମୁଦ୍ର ଆଁ ଭିତରେ ବାଲେଶ୍ୱର ଜିଲାର ବହୁ ଗାଁ ରହିଛି। ଜଙ୍ଗଲ ସୁରକ୍ଷା ନାମରେ ବନ ବିଭାଗ ପକ୍ଷରୁ ବନ ମହୋତ୍ସବ ପାଳନ କରାଯାଉଥିଲେ ମଧ୍ୟ ତାହା କେବଳ ଭୋଜି ଭାତରେ ସୀମିତ ରହୁଛି। ବନ ମହୋତ୍ସବ ନିମନ୍ତେ କେନ୍ଦ୍ର ଓ ରାଜ୍ୟ ସରକାରଙ୍କଠାରୁ ଯେତିକି ଅର୍ଥ ଅନୁଦାନ ଆସୁଛି ସେଥିରେ ରକ୍ଷଣାବେକ୍ଷଣ ଠିକ୍‌ ଭାବେ କରାଯାଉ ନ ଥିବା ଅଭିଯୋଗ ହେଉଛି।
ପରିବେଶ ବିଜ୍ଞାନୀମାନେ ସମୁଦ୍ରର ତାପମାତ୍ରା ବୃଦ୍ଧି କାରଣରୁ ୨୧୦୦ ମସିହା ବେଳକୁ ଜୀବଜଗତ ପାଇଁ ଅମ୍ଳଜାନର ଅଭାବ ପରିଲକ୍ଷିତ ହେବା ସହିତ ବିଶୁଦ୍ଧ ଅମ୍ଳଜାନ ଅଭାବ ଦେଖାଦେବ ବୋଲି ଭବିଷ୍ୟବାଣୀ କରିଛନ୍ତି। ଏତଦ୍‌ଭିନ୍ନ ଉଭୟ ଜଳ ଓ ସ୍ଥଳଭାଗର ଜୀବଜନ୍ତୁଙ୍କ ଜୀବନ ପ୍ରତି ବିପଦ ଦେଖାଦେବ ବୋଲି ସତର୍କ କରାଇଛନ୍ତି। ଏଭଳି ଉଦ୍‌ବେଗଜନକ ସ୍ଥିତିର ମୁକାବିଲା ପାଇଁ ଚେନ୍ନାଇ ସରକାର ଏକ ଅଞ୍ଚଳକୁ ଜଙ୍ଗଲରେ ପରିଣତ କରିବା ପାଇଁ ଜାପାନିଜ୍‌ ପଦ୍ଧତିରେ ୨୦ହଜାର ବର୍ଗଫୁଟ ଅଧିକ ଅମ୍ଳଜାନ ପ୍ରଦାନକାରୀ ବୃକ୍ଷରୋପଣ ଉପରେ ଗୁରୁତ୍ୱ ଦେଉଛନ୍ତି। ଓଡ଼ିଶାରେ ମଧ୍ୟ ଅନୁରୂପ ଭାବେ ସମୁଦ୍ର କୂଳ ଅଞ୍ଚଳରେ ବୃକ୍ଷରୋପଣ ଓ ରକ୍ଷଣାବେକ୍ଷଣ କରିବାକୁ ପରିବେଶବିତ୍‌ମାନେ ଦାବି କରିଛନ୍ତି। ଜଙ୍ଗଲ ଉଜୁଡ଼ି ଯାଉଥିବାବେଳେ ପ୍ରକୃତି, ପରିବେଶ ଓ ଅର୍ଥନୀତି ଉପରେ ଏହାର ଗଭୀର ପ୍ରଭାବ ପଡୁଛି। ଭବିଷ୍ୟତ ପାଇଁ ଏହା ଭୟାନକ ରୂପ ନେବ ବୋଲି ପରିବେଶବିତ୍‌ମାନେ ମତପ୍ରକାଶ କରିଛନ୍ତି। ବାଲେଶ୍ୱର ଜିଲା ଡିଏଫ୍‌ଓ ବିଶ୍ୱରାଜ ପଣ୍ଡା କହିଛନ୍ତି ଯେ, ଚାନ୍ଦିପୁର ବେଳାଭୂମିରେ ୫୦ହେକ୍ଟର ଝାଉଁ ଜଙ୍ଗଲ ସୃଷ୍ଟି ପାଇଁ ଚାରାରୋପଣ ହୋଇଥିଲା। ହେଲେ ବନ କର୍ମଚାରୀଙ୍କ ଅଭାବ ଯୋଗୁ ଜଙ୍ଗଲ ସୁରକ୍ଷିତ ହୋଇପାରିନାହିଁ। ପରିବେଶବିତ୍‌ ସୁଦର୍ଶନ ଦାସ କହିଛନ୍ତି, ରାଜ୍ୟରେ ଖଣି ଖାଦାନର ଶିଳ୍ପପତିମାନଙ୍କ ସ୍ବାର୍ଥରକ୍ଷା ଲାଗି ଜଙ୍ଗଲ ଲୁଟ୍‌ ହେଉଛି ଏବଂ ଏଥିନିମନ୍ତେ ଜଳବାୟୁର ଘୋର ପରିବର୍ତ୍ତନ ଘଟି ଜୀବଜଗତ ପାଇଁ ଉଦ୍‌ବେଗଜନକ ସ୍ଥିତି ଉପୁଜିଛି। ସାମାଜିକ କମର୍ର୍ୀ ହୁଇ ନାରାୟଣ ରାଉତ କହନ୍ତି, ଉପକୂଳ ଜଙ୍ଗଲ ଧ୍ୱଂସ ଯୋଗୁ ଆମେ ବିପଦକୁ ଆମନ୍ତ୍ରଣ କରୁଛୁ। ବନବିଭାଗ-ଜଙ୍ଗଲ ମାଫିଆଙ୍କ ସଲାସୁତରା ଓ ରକ୍ଷଣାବେକ୍ଷଣ ଅଭାବ ଯୋଗୁ ବନାଞ୍ଚଳ ଉଜୁଡ଼ି ଯାଉଛି। ଏଥିପାଇଁ ସରକାର ପଦକ୍ଷେପ ନେବା ଜରୁରୀ ଅଟେ।


Enter your email to get our daily news in your inbox.

All Right Reserved By Dharitri.Com

ବର୍ଷାକୁ ଖାତିର ନ କରି ପ୍ରଭୁ ଯୀଶୁଙ୍କ ପାଇଁ କଲେ ପ୍ରାର୍ଥନା

ବାଲିଗୁଡା,୨୫।୧୨: (ସଞ୍ଜୟ କୁମାର ପାଣିଗ୍ରାହୀ): ଆଜି ସାରା ବିଶ୍ୱ ପାଳନ କରୁଛି ବଡ଼ଦିନ। ଏହି ପ୍ରରିପ୍ରେକ୍ଷୀରେ କନ୍ଧମାଳ ଜିଲା ବାଲିଗୁଡା ଉପଖଣ୍ଡର ପ୍ରତ୍ୟେକ ବ୍ଲକ ଅଞ୍ଚଳର...

ସାଧାରଣ ଲୋକଙ୍କ ପାଖରେ ସ୍ବଚ୍ଛ ପ୍ରଶାସନ ପହଞ୍ଚାଇବା ସରକାରଙ୍କ ପ୍ରାଥମିକତା: କନକ ବର୍ଦ୍ଧନ ସିଂଦେଓ

ବଲାଙ୍ଗୀର, ୨୫।୧୨: (ସୁନିଲ କୁମାର ମହାନ୍ତି): ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଜୟନ୍ତୀ ଅବସରରେ ବଲାଙ୍ଗୀର ଭୀମଭୋଇ ମେଡିକାଲ କଲେଜ ହସ୍ପିଟାଲ ଅଡିଟୋରିୟମରେ ଜିଲାସ୍ତରୀୟ...

ଶ୍ରୀଜିଉଙ୍କୁ ଦର୍ଶନ କଲେ ବିଦାୟୀ ରାଜ୍ୟପାଳ, କହିଲେ ମହାପ୍ରଭୁଙ୍କ ଯୋଗୁ ମୁଁ ଓଡ଼ିଶାର ସେବା…

ପୁରୀ,୨୫ା୧୨: ରାଜ୍ୟପାଳ ପଦରୁ ମଙ୍ଗଳବାର ଇସ୍ତଫା ଦେଇଥିବା ରଘୁବର ଦାସ ଆଜି ପୁରୀ ଯାଇ ଶ୍ରୀଜିଉଙ୍କୁ ଦର୍ଶନ କରିଛନ୍ତି। ଏହି ସମୟରେ ସେ କହିଛନ୍ତି, ମହାପ୍ରଭୁଙ୍କ...

ଏମିତି ବି ଆସେ ମୃତ୍ୟୁ: ସ୍ବାମୀଙ୍କ ଜୁଇ ନ ଲିଭୁଣୁ ଚାଲିଗଲା ସ୍ତ୍ରୀଙ୍କ ଜୀବନ

ନିଶ୍ଚିନ୍ତକୋଇଲି, ୨୫ା୧୨(ଅଶୋକ କୁମାର ମହାପାତ୍ର): ସ୍ବାମୀଙ୍କ ଜୁଇ ନ ଲିଭୁଣୁ ଚାଲିଗଲା ସ୍ତ୍ରୀଙ୍କ ଜୀବନ। ଏପରି ଦୁଃଖଦ ଘଟଣା ଦେଖିବାକୁ ମିଳିଛି କଟକ ଜିଲା ମାହାଙ୍ଗା...

ଫାଣ୍ଡି ଅଧିକାରୀ ନିଲମ୍ବିତ

ଜଳେଶ୍ୱର,୨୫ା୧୨(ନବୀନ ସାହୁ): ଲୁଗା ଦୋକାନରୁ ଚୋରି କରିବା ଅଭିଯୋଗରେ ଯୁବକଙ୍କୁ ବାଡ଼େଇ ବାଡ଼େଇ ମାରିଦେବା ଘଟଣାରେ ଦାୟିତ୍ୱରେ ଅବହେଳା ଅଭିଯୋଗରେ ବାଲେଶ୍ୱର ଜିଲା ସାର୍ଥା ଫାଣ୍ତି...

ଜବରଦଖଲରେ ୩୦ ହଜାର ଏକର ଜଙ୍ଗଲ ଜମି

ପଟ୍ଟାମୁଣ୍ଡାଇ,୨୫ା୧୨(କଳ୍ପତରୁ ନାୟକ): ୨୦୦୯ର ସରକାରୀ ତଥ୍ୟ ଅନୁଯାୟୀ ୨୦୧୫ରେ ବିଧାନସଭାରେ ଏକ ପ୍ରଶ୍ନର ଉତ୍ତରରେ ତତ୍କାଳୀନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ରାପଡ଼ା ଜିଲାରେ ୧,୬୪୯ ବାଂଲାଦେଶୀ...

ଦାରିଙ୍ଗବାଡ଼ି ଉତ୍ସବମୁଖର: ବର୍ଷାକୁ ଖାତିର ନ କରି ପ୍ରଭୁ ଯୀଶୁଙ୍କ ପାଇଁ କଲେ ପ୍ରାର୍ଥନା

ଦାରିଙ୍ଗବାଡ଼ି,୨୫ା୧୨(ଅରୁଣ ସାହୁ): ଆଜି ସାରା ବିଶ୍ୱ ପାଳନ କରୁଛି ବଡ଼ଦିନ। ପ୍ରଭୁ ଯୀଶୁଖ୍ରୀଷ୍ଟ କରିଛନ୍ତି ଧରାବତରଣ। ଏହି ପ୍ରରିପ୍ରେକ୍ଷୀରେ କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଞ୍ଚଳରେ...

ଭିଡିଓ କଲ୍‌ କରି ଡାକ୍ତରଖାନା ଫ୍ୟାନ୍‌ରେ ଝୁଲିପଡ଼ିଲେ କର୍ମଚାରୀ, ଖିଅ ଖୋଜୁଛି ପୋଲିସ

ଦେବଗଡ଼,୨୫ା୧୨(ଶଶାଙ୍କ ଶେଖର ଝାଙ୍କର): ଦେବଗଡ଼ ଥାନା ଅନ୍ତର୍ଗତ କଣ୍ଟାପାଲି ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ କାର୍ଯ୍ୟ କରୁଥିବା ଜଣେ ଯୁବକ ସ୍ବାସ୍ଥ୍ୟକେନ୍ଦ୍ରର ଏକ କଠୋରି ଭିତରେ ଲାଗିଥିବା ପଙ୍ଖାରେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri