କେନ୍ଦୁଝର, ୧୨। ୬ (ସ୍ବ.ପ୍ର.)-ଯାତ୍ରୀବାହୀ ବସ୍ ସେବା ଆରମ୍ଭ ହୋଇଥିଲେ ମଧ୍ୟ ବସ୍ରେ ଯିବାକୁ ଯାତ୍ରୀ ଅମଙ୍ଗ ା କରୋନା କଟକଣା ପାଇଁ ଯାତ୍ରୀମାନେ ବସରେ ଯାତାୟାତ କରିବାକୁ ଭୟ କରୁଛନ୍ତି ା ଏଣୁ ବହୁ ଜରୁରୀ ନ ହେଲେ କେହି ଯିବାକୁ ଆଗ୍ରହ କରୁନାହାନ୍ତି। ଅତି ଜରୁରୀ କାମରେ ଯିବାକୁ ହେଲେ କେତେକ ନିଜସ୍ବ କାର ବା ଜିପ୍ରେ ଯିବା ଆସିବା କରୁଛନ୍ତି ା ଏପରି କି ଅନେକ ଲୋକ ବାଇକରେ ଯିବାକୁ ମଧ୍ୟ ପସନ୍ଦ କରୁଛନ୍ତି। ଅନେକ ବସ୍ ମାଲିକ ବସ୍ ନ ଚଲାଇ ଅଫ ରୋଡ କରିଦେଇଥିବା ବେଳେ ଯେଉଁ କେତେକ ଯାଉଛନ୍ତି ବା ଗାଡି ଚଲାଇବାକୁ ଆଗ୍ରହ କରୁଛନ୍ତି ସେମାନେ ଗତ ୨ ଦିନରେ ବହୁ କ୍ଷତିଗ୍ରସ୍ତ ହେଉଛନ୍ତି। କେନ୍ଦୁଝରରୁ ଭଦ୍ରକ ଗଲେ ଯିବା ଆସିବା ମାତ୍ର ୧୩୦ ଟଙ୍କା ଭଡା ମିଳିଛି ବୋଲି ରୁତୁରାଜ ବସ୍ର କଣ୍ଡକ୍ଟର ପ୍ରେମାନନ୍ଦ ବେହେରା କହିଛନ୍ତି ା କିନ୍ତୁ ଯିବା ଆସିବା ଡିଜେଲ ବାବଦକୁ ୫ ହଜାର ଟଙ୍କା ଏବଂ କର୍ମଚାରୀଙ୍କ ପାରିଶ୍ରମିକକୁ ମିଶାଇଲେ ପାଖାପାଖି ୬ ହଜାର ଖର୍ଚ୍ଚ ହେଉଥିବା ବେଳେ ଭଡା ମିଳିଛି ମାତ୍ର ୧୩୦ ଟଙ୍କା ା ଏଣୁ ଆଉ ଗୋଟିଏ ଦିନ ଦେଖିବୁ, ନଚେତ ବସ୍ ଆଗଭଳି ଛିଡା କରିବାକୁ ବାଧ୍ୟ ହେବୁ ବୋଲି ସେ କହିଛନ୍ତି ା
ସେହିପରି ଭୁବନେଶ୍ୱର ଯାଉଥିବା ବସ୍ଗୁଡିକର ଅବସ୍ଥା ଶୋଚନୀୟ ହୋଇ ପଡିଛି। କେତେକ ବସ୍ରେ ଯାତ୍ରୀ ମିଳୁ ନ ଥିବାରୁ ବସ୍ ଷ୍ଟପ୍ରୁ ଫେରୁଥିବା ବେଳେ କେତେକ ବାଟରେ ଅଟକି ଫେରିଆସୁଛନ୍ତି ା ଯାତ୍ରୀ ବ୍ୟତୀତ ମାଲରୁ ମଧ୍ୟ ବସ୍ ମାଲିକ ଭଲ ପଇସା ପାଇଥାନ୍ତି ା କିନ୍ତୁ ମାଲ ମଧ୍ୟ ଆସୁନାହିଁ। କୋଲକାତାକୁ ଦୁଇଟି ଘରୋଇ ବସ୍ ଯିବା ଆସିବା କରୁଥିଲେ ହେଁ ମାଲ୍ ପରିବହନ ପାଇଁ କିଛି ପାଉଥିଲେ ହେଁ ଅନେକ ସମୟରେ ଖର୍ଚ୍ଚ ଉଠୁ ନ ଥିବାରୁ ଚିନ୍ତାରେ ରହୁଛନ୍ତି। ବଡ଼ ବଡ଼ ମାଲିକ ଏହା ଦ୍ୱାରା ଯେତିକି କ୍ଷତିଗ୍ରସ୍ତ ହେଉନାହାନ୍ତି ତା’ଠାରୁ ଅଧିକ କ୍ଷତିଗ୍ରସ୍ତ ହେଉଛନ୍ତି ଛୋଟ ଛୋଟ ବସ୍ ମାଲିକ ଏବଂ ଋଣ କରି ବସ ଚଲାଉଥିବା ମାଲିକ ା ବସ୍ ପରମିଟ, ଇନସ୍ୟୁରାନ୍ସ ବାବଦକୁ ହେଉଥିବା ଖର୍ଚ୍ଚ ବେଡି ଉପରେ କୋରଡା ସଦୃଶ ହୋଇଛି ା
ଲୋକମାନେ ଘରୁ ବାହାରୁ ନାହାନ୍ତି କିମ୍ବା ଜରୁରୀ କାମ ପଡିଲେ ବାଇକରେ ଯିବା ଆସିବା କରୁଥିବା ଦେଖିବାକୁ ମିଳୁଛି ା ଏଣୁ ଜିଲା ମଧ୍ୟରେ ଯାତ୍ରୀବାହୀ ବସ୍ରେ ଯାତ୍ରୀ ହେଉ ନ ଥିବାରୁ ବନ୍ଦ ରହିଛି ା ତେବେ କେବେ ଅବସ୍ଥା ସୁଧୁରିବ ଓ କରୋନା କଟକଣା ହଟି ସମ୍ପୂର୍ଣ୍ଣ ଲକ୍ଡାଉନ ପ୍ରତ୍ୟାହାର ହେବ ସେ ସମୟକୁ ବସ୍ ମାଲିକମାନେ ଅନେଇ ରହିଛନ୍ତି।