ଭୁବନେଶ୍ୱର,୨୧।୧୦: ରାଜ୍ୟର ପ୍ରମୁଖ ଘରୋଇ ଚିକିତ୍ସାଳୟ ଉତ୍କଳ ହସ୍ପିଟାଲ ପକ୍ଷରୁ ‘ଇଭିନିଂ ଓପିଡି’ ସେବା ଉଦ୍ଘାଟିତ ହୋଇଯାଇଛି। ଏହି ଅବସରରେ ଉତ୍କଳ ହସ୍ପିଟାଲର ନିର୍ଦ୍ଦେଶକ (ମେଡିକାଲ ସର୍ଭିସ) ଡା. ଆର୍.କେ. ମହାପାତ୍ର ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଉତ୍କଳ ହସ୍ପିଟାଲର ବହୁ ବରିଷ୍ଠ ଅଧିକାରୀ ଡା. ପ୍ରତିଭା ମିଶ୍ର, ଡା. ଆଲୋକ ଲୋଧ,ଡା. ଦୀପକ ନାୟକ, ଡା. ଶିତିକଣ୍ଠ ନନ୍ଦ, ଡା. ସନତ ସାହୁ ପ୍ରମୁଖ ଉପସ୍ଥିତ ଥିଲେ। ବିଶେଷକରି ଉକ୍ତ ଓପିଡି ଜରିଆରେ ସବୁ ବର୍ଗର ରୋଗୀଙ୍କୁ ସେମାନଙ୍କର ଆବଶ୍ୟକତା ଅନୁଯାୟୀ ସେବା ଓ ସୁବିଧା ସାଙ୍ଗକୁ ଡାକ୍ତରୀ ପରାମର୍ଶ ଦିଆଯିବ। ସେହିଭଳି ଏଠାରେ ପ୍ରମୁଖ ରୋଗର ଦକ୍ଷ ଚିକିତ୍ସକ ଓ ମେଡିକାଲ ସେବା ଯୋଗାଇ ଦିଆଯାଉଛି।