ବାରିପଦା ଅଫିସ,୨୯।୭- ଉତ୍ତର ଓଡ଼ିିଶା ଯୁବ ଓ ଛାତ୍ର ସଂଘର କର୍ମକର୍ତ୍ତାଙ୍କ ଏକ ସମ୍ମିଳନୀ ବାରିପଦା ଅବସରପ୍ରାପ୍ତ କର୍ମଚାରୀ ଭବନରେ ଅନୁଷ୍ଠିତ ହୋଇଯାଇଛି। ସଂଘର ସଭାପତି ଡ.ତରୁଣ କୁମାର ମୁଦୁଲିଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ସଂଘର ଉପଦେଷ୍ଟା ରବିନ୍ଦ୍ର ନାଥ ଦାଶ ଯୋଗଦେଇ ଉତ୍ତର ଓଡ଼ିଶା ଛାତ୍ର ସଂଗଠନର ମୟୂରଭଞ୍ଜରେ କାର୍ଯ୍ୟାବଳୀ ବର୍ଣ୍ଣନା କରିଥିଲେ। ସଂଘର ସାଧାରଣ ସମ୍ପାଦକ ଦୀପକ କୁମାର ମଲିକ ଆଗାମି କାର୍ଯ୍ୟପନ୍ଥା ବିଷୟରେ ଆଲୋକପାତ କରିଥିଲେ। ସଂଘର ସମ୍ପାଦକ ଆକାଶ ଚକ୍ରବର୍ତ୍ତୀ ସ୍ବାଗତ ଭାଷଣ ଓ ଉପସଭାପତି ଆଲୋକ କୁମାର ପଣ୍ଡା ଧନ୍ୟବାଦ ଅର୍ପଣ କରିଥିଲେ। ଏହି ସମ୍ମିଳନୀରେ କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଥିଲା। ସମ୍ପାଦକ ଭାବେ ଦୀନେଶ ମହାପାତ୍ର, ନଗର ସମ୍ପାଦକ ଶୁଭମ କୁମାର ସିଟ ଓ ସମୀର ନାଏକ, ନଗର ଉପସଭାପତି ଭାବେ ନିରଞ୍ଜନ ବେହେରା, ନଗର ସଭାପତି ଦେବାଶିଷ ପାଇକରାୟ, ଉପସଭାପତି ଅସିତ କୁମାର ମଲିକ, ରିତ କୁମାର ଷଡଙ୍ଗୀ ଓ ଆଲୋକ କୁମାର ପଣ୍ଡା ପ୍ରମୁଖ ନିର୍ବାଚିତ ହୋଇଛନ୍ତି। ଏହା ସହିତ ଉଦଳା ଉପଖଣ୍ଡ ପାଇଁ ସଭାପତି ଭାବେ ରାକେଶ କୁମାର ପୁହାଣ, ଉପସଭାପତି ପାର୍ଥସାରଥୀ ଜେନା, ସମ୍ପାଦକ ଭାବେ ଚିନ୍ମୟ ପଣ୍ଡା, ବଡସାହି ବ୍ଲକ ପାଇଁ ସଭାପତି ଚନ୍ଦନ ପାତ୍ର, ସାଧାରଣ ସମ୍ପାଦକ ଭାବେ ନରେଶ ବେହେରା ନିର୍ବାଚିତ ହୋଇଛନ୍ତି। ଏହି ସମ୍ମିଳନୀରେ ସମାଜସେବୀ ସୁଧାକର ନାଏକ ଉପସ୍ଥିତ ଥିଲେ।