ମୁମ୍ବାଇ,୩୦।୧୧: ଶିବସେନା ନେତା ଉଦ୍ଧବ ଠାକରେଙ୍କ ନେତୃତ୍ୱରେ ମହାରାଷ୍ଟ୍ରରେ ସରକାର ଗଠନ ହୋଇଛି। ମେଣ୍ଟ କରି ଶିବସେନା ସରକାର ଗଠନ କରିଥିବାରୁ ତା’ମନରେ ସବୁବେଳେ ଦ୍ୱନ୍ଦ୍ୱ ଲାଗି ରହିଛି। ଶନିବାର ମଧ୍ୟାହ୍ନରେ ସେ ବହୁମତ ସାବ୍ୟସ୍ତ କରିବାର କାର୍ଯ୍ୟକ୍ରମ ରହିଛି। ଅର୍ଥାତ୍ ଉଦ୍ଦବଙ୍କ ସରକାର ଶନିବାର ଅଗ୍ନିପରୀକ୍ଷା ଦେବ। ଏଥିପାଇଁ ଶିବସେନା ନିକଟରେ ୫୬, ଏନ୍ସିପି ୫୪ ଓ କଂଗ୍ରେସ ପାଖେ ୪୪ ଆସନ ରହିଛି। ୨୮୮ ଆସନ ବିଶିଷ୍ଟ ଏହି ବିଧାନସଭା ପାଇଁ ମ୍ୟାଜିକ୍ ନମ୍ବର ରହିଛି ୧୪୫। ଆଉ ଶିବସେନା ମେଣ୍ଟ ସରକାର ନିକଟରେ ରହିଛି ୧୫୪। ଏହାପରେ ବି ଉଦ୍ଧବଙ୍କ ମନରେ ଭୟ ଜାତ ହେଉଛି। କାରଣ ଶନିବାର ବହୁମତ ପୂର୍ବରୁ ଏନସିପି ନେତା ଅଜିତ ପାଓ୍ବାର କୁଆଡେ ଭାଜପା ଏମ୍ପିଙ୍କ ସହ କଥା ହୋଇଛନ୍ତି। କିନ୍ତୁ ଏହାକୁ ନେଇ ଅଜିତ୍ ସଫେଇ ମଧ୍ୟ ଦେଇଛନ୍ତି। ସେ କହିଛନ୍ତି ଯଦିଓ ସେ ଭାଜପା ଏମ୍ପିଙ୍କ ସହ ମିଶିଛନ୍ତି ସେଠାରେ ବହୁମତକୁ ନେଇ କୌଣସି ଆଲୋଚନା ହୋଇନାହିଁ। ଆମେ ଭିନ୍ନ ଭିନ୍ନ ଦଳର ହେଲେ ମଧ୍ୟ ଆମର କିଛି ବ୍ୟକ୍ତିଗତ ସମ୍ପର୍କ ରହିଛି ବୋଲି ଅଜିତ କହିଛନ୍ତି।