ତଟକା ଫଳମୂଳରେ ପ୍ରସ୍ତୁତ ସାଲାଡ ଖାଇବାକୁ କିଏ ବା ଭଲ ନ ପାଏ। ଏହା ସ୍ବାସ୍ଥ୍ୟ ପାଇଁ ବେଶ୍ ଲାଭଦାୟକ। ଆଜିକାଲି ଅନେକେ ଏହାକୁ ଦୈନନ୍ଦିନ ବ୍ରେକ୍ଫାଷ୍ଟ ତାଲିକାରେ ସାମିଲ କରିଛନ୍ତି। କୌଣସି ଭୋଜିରେ ସାଲାଡକୁ ଏପରି ସଜାଇ ରଖାଯାଇଥାଏ ଯେ, ତାହା ସମସ୍ତଙ୍କ ଦୃଷ୍ଟି ଆକର୍ଷଣକରେ। କେବଳ ସେତିକି ନୁହେଁ, ତାହା ମଧ୍ୟ ସାଲାଡ ଖାଇବା ଆଶାକୁ ଦ୍ୱିଗୁଣିତ କରିଥାଏ। ଆପଣ ନିଜର କ୍ୟାଲୋରିକୁ ନିୟନ୍ତ୍ରଣରେ ରଖିବାକୁ ଚାହୁଁଛନ୍ତି କି ? ଯଦି ହଁ, ତେବେ ନିୟମିତ ସାଲାଡ ଖାଆନ୍ତୁ। ଏହା ଶରୀରରେ ଜଳୀୟ ଅଂଶକୁ ସନ୍ତୁଳିତ ରଖିଥାଏ। ଡାଇବେଟିସ୍ ରୋଗୀ ଏହାକୁ ଖାଇବା ଦ୍ୱାରା ସେମାନଙ୍କର ରକ୍ତରେ ସୁଗାର ପରିମାଣ ସନ୍ତୁଳିତ ରହିଥାଏ। ଆଜିକାଲି ଅନେକେ ମେଦବହୁଳତା ସମସ୍ୟାର ସମ୍ମୁଖୀନ ହେଉଛନ୍ତି। ଯଦି ସେମାନେ ପ୍ରତିଦିନ ସାଲାଡ ଖାଆନ୍ତି ତେବେ ତାହା ଓଜନ କମାଇବାରେ ସହାୟକ ହୋଇଥାଏ। ଶରୀରରେ ଜଳୀୟ ଅଂଶକୁ ସନ୍ତୁଳିତ ରଖେ ସାଲାଡ। ଏହାକୁ ଖାଇବା ଦ୍ୱାରା ଅସ୍ଥି ଏବଂ ମାଂସପେଶୀ ଦୃଢ଼ ହୋଇଥାଏ। ପ୍ରତିଦିନ ସାଲାଡ ଖାଇବା ଦ୍ୱାରା ହୃତ୍ପିଣ୍ଡ (ହାର୍ଟ) ସୁସ୍ଥ ରହିଥାଏ। ଏହା ଶରୀରରେ ଭିଟାମିନ୍-ବି, ସି, ଇ ଅଭାବ ପୂରଣ କରିଥାଏ।