ଉପଜିଲାପାଳଙ୍କ ଚଢ଼ାଉ, ମଦ ଜବତ
2:38 pmApril 4, 2020 / 10

ଅନୁଗୋଳ ଅଫିସ୍‌, ୪ା୪- ଅନୁଗୋଳ ଉପଜିଲାପାଳ ବାସୁଦେବ ଶତପଥୀ ଶୁକ୍ରବାର ରାତିରେ ମହୀଧରପୁର, ବନ୍ତଳା ଓ ସୀମାନ୍ତ କଂସରା ଅଞ୍ଚଳରେ ଚଢ଼ାଉ କରିଛନ୍ତି । ଏହି ସମୟରେ ବଜାରର ସ୍ଥିତି ପରଖିବା ସହ ଲକଡାଉନବେଳେ କିଛି ଢାବା ବେଆଇନ ଭାବେ ଖୋଲାଥିବା ଦେଖି ସେଠାରେ ଚଢ଼ାଉ କରିଥିଲେ । କଂସରା ଛକଠାରେ ଥିବା ଢାବାରୁ ବିପୁଳ ପରିମାଣର ମଦ ଜବତ ପରେ ହିନ୍ଦୋଳ ଥାନାକୁ ପଠାଯାଇଛି । ବେଆଇନ ଭାବେ ମଦ ବିକ୍ରି କରିବା ଓ ଲକଡାଉନ ନିୟମ ଉଲ୍ଲଂଘନ କରିବା ନେଇ ହିନ୍ଦୋଳ ଥାନାରେ ୨ଟି ମାମଲା ରୁଜୁ କରାଯାଇଥିବା ଉପଜିଲାପାଳ ସୂଚନା ଦେଇଛନ୍ତି । ଉପଜିଲାପାଳଙ୍କ ସହ ଅନୁଗୋଳ ଅତିରିକ୍ତ ତହସିଲଦାର ଚଢ଼ାଉରେ ସାମିଲ ଥିଲେ ।