କରାଚୀ, ୨୮ା୪ (ପି.ଟି.)-ପାକିସ୍ତାନ କ୍ରିକେଟ ବୋର୍ଡ (ପିସିବି) ବ୍ୟାଟ୍ସମ୍ୟାନ ଉମର ଅକମଲଙ୍କୁ ୩ବର୍ଷ ପାଇଁ ବାସନ୍ଦ କରିଛି। ଦେଶର ପ୍ରମୁଖ ଟି୨୦ ଟୁର୍ନାମେଣ୍ଟ ପାକିସ୍ତାନ ସୁପର ଲିଗ୍ (ପିଏସ୍ଏଲ୍) ପୂର୍ବରୁ ଫିକ୍ସିଂ ପାଇଁ ତାଙ୍କୁ ପ୍ରଲୋଭିତ କରାଯାଇଥିବା ବିଷୟକୁ ସମ୍ପୃକ୍ତ କର୍ତ୍ତୃପକ୍ଷଙ୍କୁ ସେ ଜଣାଇ ନଥିଲେ। ୨୯ ବର୍ଷୀୟ ଏହି କ୍ରିକେଟର ଜଣକ ଦୁର୍ନୀତି ନିରୋଧୀ ଆଚରଣ ବିଧି ଧାରା ୨.୪.୪ ଅନ୍ତର୍ଗତ ଦୁଇଟି ନିୟମ ଉଲ୍ଲଂଘନ କରିଥିଲେ। ଫେବୃୟାରୀରେ ପିସିବିର ଡିସିପ୍ଲିନାରୀ ପ୍ୟାନେଲ ଦ୍ୱାରା ତଦନ୍ତ ଆରମ୍ଭ ହେବା ମାତ୍ରେ ଉମରଙ୍କୁ ତୁରନ୍ତ ସସ୍ପେଣ୍ଡ କରାଯାଇଥିଲା। ଅବସରପ୍ରାପ୍ତ ବିଚାରପତି ଫଜଲ -ଇ-ମିରାନ ଚୌହାନଙ୍କ ଅଧ୍ୟକ୍ଷତାରେ ଗଠିତ ଡିସିପ୍ଲିନାରୀ ପ୍ୟାନେଲ ଉମର ଅକମଲଙ୍କୁ କ୍ରିକେଟର ସମସ୍ତ ପ୍ରକାର କାର୍ଯ୍ୟକଳାପରୁ ୩ ବର୍ଷ ପାଇଁ ବାସନ୍ଦ କରିଛି। ଉମର ହେଉଛନ୍ତି ପୂର୍ବତନ ଉଇକେଟକିପର ବ୍ୟାଟ୍ସମ୍ୟାନ କମରାନ ଅକମଲଙ୍କ ସାନ ଭାଇ। ସେ ଦେଶ ତରଫରୁ ୫୩ ଟେଷ୍ଟ, ୫୮ ଟି୨୦ ଏବଂ ୧୫୭ ଅନ୍ତର୍ଜାତୀୟ ଦିନିକିଆ ମ୍ୟାଚ ଖେଳିଛନ୍ତି। ବର୍ତ୍ତମାନର ଅଧିନାୟକ ବାବର ଆଜାମଙ୍କର ସେ ହେଉଛନ୍ତି ଜଣେ ସମ୍ପର୍କୀୟ ଭାଇ।
