ପୁଣେ,୧୦।୧- ଭାରତୀୟ ଟେଷ୍ଟ ଦଳର ସଦସ୍ୟ ଉମେଶ ଯାଦବଙ୍କୁ ପରିହାସ କରିଛନ୍ତି ସାଥୀ ଖେଳାଳି ରବୀନ୍ଦ୍ର ଜାଡେଜା। ୩୨ ବର୍ଷୀୟ ପେସର ନିକଟରେ ଏକ ଭିଡିଓ ଇନ୍ଷ୍ଟାଗ୍ରାମରେ ଅପଲୋଡ୍ କରିଛନ୍ତି। ସେଥିରେ ସେ ଭାରୋତ୍ତୋଳନ କରୁଛନ୍ତି। ଏହାର କ୍ୟାପଶନରେ ଲେଖିଛନ୍ତି, ତୁମେ ଉଠାଇ ପାରିବ କି? ତୁରନ୍ତ ପରେ ଜାଡେଜା କମେଣ୍ଟ କରି ଉମେଶଙ୍କୁ ପରିହାସ କରିଥିଲେ। ଏତିକି ଓଜନ ତ ଝିଅ ଉଠାନ୍ତି ବୋଲି ସେ ଲେଖିଥିଲେ। ଏହାର ରିପ୍ଲାଇରେ ଉମେଶ ଲେଖିଥିଲେ, ଏହା କେବଳ ଟ୍ରେଲର ପୂରା ଫିଲ୍ମ ଏବେ ବାକି ଅଛି। ଉଲ୍ଲେଖଯୋଗ୍ୟ, ଜାଡେଜା ଏବେ ଶ୍ରୀଲଙ୍କା ଓ ଭାରତ ମଧ୍ୟରେ ଚାଲିଥିବା ଟି୨୦ ସିରିଜ୍ର ଅଂଶବିଶେଷ ଥିବାବେଳେ ଉମେଶ ଏବେ ବିଦର୍ଭ ପାଇଁ ରଣ୍ଜୀ ଖେଳୁଛନ୍ତି।