ବାଲିଗୁଡା,୧୬ା୫(ଡି.ଏନ୍.ଏ.)- ବାଲିଗୁଡା ଉପଖଣ୍ଡ କୋଟଗଡ଼ ପୋଲିସ ଜଣେ ଠକକୁ ଗିରଫ କରିଛି । ଠକ ଜଣକ ବ୍ରାହ୍ମଣୀଗାଁ ଥାନା ତାଜୁଙ୍ଗିଆ ଗ୍ରାମର ଭିମରାଜ ନାୟକ। ଭିମରାଜ ନିଜକୁ ଆଇଟିଡିଏ (ସମନ୍ବିତ ଆଦିବାସୀ ଉନ୍ନୟନ ସଂସ୍ଥା)ର କର୍ମଚାରୀ କହି ଦୀର୍ଘଦିନ ହେଲା କୋଟଗଡ଼ ଅଞ୍ଚଳବାସୀଙ୍କୁ ଠକି ଆସୁଥିଲା। ଲୋକଙ୍କୁ କାଜୁ ଚାରା ଓ ଛେଳିଚାଷ ପାଇଁ ଋଣ ଦେବା ନଁ।ରେ ଲକ୍ଷାଧିକ ଟଙ୍କା ଠକି ନେଇଥିଲା। କିଛିଦିନ ପରେ ଲୋକେ ଚାରା କିମ୍ବା କୌଣସି ଋଣ ନପାଇ ବାଲିଗୁଡ଼ା ଆଇଟିଡିଏ କାର୍ଯ୍ୟାଳୟକୁ ଯାଇଥିଲେ। ଭିମରାଜ ନାୟକ ନାମରେ କୌଣସି କର୍ମଚାରୀ ନାହାନ୍ତି ବୋଲି କାର୍ଯ୍ୟାଳୟ ପକ୍ଷରୁ କୁହାଯାଇଥିଲା। ପରେ ଭିମରାଜ ପାରିଗଡ଼ ଗ୍ରାମକୁ ଯାଇଥିବାବେଳେ ଗ୍ରାମବାସୀ ଧରି ପୋଲିସ ଜିମା ଦେଇଛନ୍ତି। କୋଟଗଡ ପୋଲିସ ନଂ.୩୧/୨୦ରେ ଏକ ମାମଲା ରୁଜୁ କରି ଭିମରାଜଙ୍କୁ କୋର୍ଟ ଚାଲାଣ କରିଥିବା କୋଟଗଡ଼ ଆଇଆଇସି ହରମୋହନ ନାୟକ ସୂଚନା ଦେଇଛନ୍ତି।
