କୋକସରା,୪।୬(ଡି.ଏନ.ଏ.)-ଲକ୍ଡାଉନ ଯୋଗୁ ୨ ମାସରୁ ଊର୍ଦ୍ଧ୍ୱ ସମୟ ଧରି କର୍ମଜୀବୀ ମହିଳାମାନେ ରୋଜଗାର ହରାଇ ଘରେ ବସି ରହିଛନ୍ତି ା ଏପରି ସମୟରେ ସେମାନେ କରିଥିବା ଋଣ ପରିଶୋଧ କରିବାକୁ ବହୁ ଘରୋଇ ଫାଇନାନ୍ସ କମ୍ପାନୀ ଧମକ ଦେଉଥିବା କୋକସରା ଗ୍ରାମ ବଡପଡାର ୩୦ ମହିଳା ଅଭିଯୋଗ କରିଛନ୍ତି। କମ୍ପାନୀ କର୍ମଚାରୀମାନେ କହୁଛନ୍ତି, ଋଣ ନେଇଛ, କିସ୍ତି ଦିଅ ା ନଚେତ ତୁମ ବିରୋଧରେ କମ୍ପାନୀ କାର୍ଯ୍ୟାନୁଷ୍ଠାନ ଗ୍ରହଣ କରିବ। ଏଭଳି ଚାପ ଯୋଗୁ ମହିଳାମାନେ ମାନସିକସ୍ତରରେ ଭାଙ୍ଗି ପଡିଛନ୍ତି । ଏଥିପାଇଁ ସମୟ ଦେବାକୁ କୋକସରା ବଡପଡାର ଫୁଲତୋଳା ଖମାରି, ମମତା ନାଏକ, ରଶ୍ମିତା ଶଗଡିଆ, ପ୍ରମିଳା ବାଗ, ରେଖା ନାଏକ, ରାଣୀ ବାଗ, ରାଏବତୀ ଖମାରି, ପୁଷ୍ପାଳି ନିଆଲ ପ୍ରମୁଖ ଦାବି କରିଛନ୍ତି ।