ଭୁବନେଶ୍ୱର, ୨୧।୭ (ସ୍ପୋଟର୍ସ ବ୍ୟୁରୋ)- ଓଡ଼ିଶାର ଉଦୀୟମାନ ଟେନିସ ଖେଳାଳି ତଥା ସର୍ବଭାରତୀୟସ୍ତରରେ ୩ୟ ର଼୍ୟାଙ୍କ ମାନ୍ୟତା ପାଇଥିବା ସୋହିନୀ ଏସ୍ ମହାନ୍ତି ଆସାମର ଗୁଆହାଟୀରେ ଅନୁଷ୍ଠିତ ବାଳିକା ୧୨ ବର୍ଷରୁ କମ୍ ଏଆଇଟିଏ ସୁପର୍ ସିରିଜ ଟେନିସ ଟୁର୍ନାମେଣ୍ଟରେ ଚାମ୍ପିୟନ ହୋଇଛନ୍ତି। ଟୁର୍ନାମେଣ୍ଟରେ ଏକ ନମ୍ବର ସିଡ୍ ମାନ୍ୟତା ପାଇଥିବା ସୋହିନୀ ଫାଇନାଲରେ ୭-୬ (୩), ୩-୬, ୬-୩ ସେଟ୍ରେ ତେଲେଙ୍ଗାନା ପ୍ରତିଯୋଗୀ ଟି. ସାରାଇ ଗୋଗୁଲମଣ୍ଡାଙ୍କୁ ପରାସ୍ତ କରିଥିଲେ। ଏହି ବିଜୟ ସହ ସୋହିନୀ ଟୁର୍ନାମେଣ୍ଟରୁ ୫୦ ଏଆଇଟିଏ ପଏଣ୍ଟ ଅର୍ଜନ କରିଛନ୍ତି।