ମନ୍ଦିର ଉପରୁ ତଳକୁ ଫିଙ୍ଗି ଶିଶୁର ଉଜ୍ଜ୍ୱଳ ଭାଗ୍ୟ ଓ ଦୀର୍ଘ ଜୀବନ କାମନା କରାଯାଇଥାଏ ମହାରାଷ୍ଟ୍ର ସୋଲାପୁର ଜିଲାର ମଙ୍ଗାସୁଲି ଗାଁରେ। ଏହି ଗାଁର ଖଣ୍ଡୋବା ମନ୍ଦିରରେ ଏଭଳି ପରମ୍ପରା ଚଳିଆସୁଛି। ଗ୍ରାମବାସୀ ଖଣ୍ଡୋବାଙ୍କୁ ଶିବଙ୍କ ଅବତାର ଭାବେ ଗ୍ରହଣ କରନ୍ତି। ଲୋକେ ଶିଶୁଙ୍କୁ ଏହି ମନ୍ଦିର ଉପରୁ ତଳକୁ ପକାନ୍ତି। ପକାଇବାବେଳେ ତଳେ ବେଡ୍ଶିିଟ୍ ଧରି ଲୋକମାନେ ଠିଆ ହୋଇଥାନ୍ତି। ଶିଶୁଟି ବେଡ୍ସିଟ୍ ଉପରେ ଥରେ ପଡି ଉପରକୁ ଉଠିଲା ପରେ ତାକୁ ତା’ ମା କିମ୍ବା ବାପାଙ୍କୁ ଦିଆଯାଏ। ଲୋକମାନେ ଏହି ଶିଶୁଫିଙ୍ଗା ଦୃଶ୍ୟ ଦେଖିବା ଲାଗି ଭିଡ଼ ଜମାନ୍ତି। ଉକ୍ତ ପରମ୍ପରା ୭୦୦ ବର୍ଷର ପୁରୁଣା। ଯେତେବେଳେ ଏହି ଅଞ୍ଚଳରେ ଅଧିକ ସଂଖ୍ୟାରେ ଶିଶୁମୃତ୍ୟୁ ହେଉଥିଲା ସେବେଠାରୁ ଏହି ପରମ୍ପରା ଆରମ୍ଭ ହୋଇଛି। ଥରେ ଜଣେ ସାଧୁ ଗାଁକୁ ଆସିଥିଲେ। ଯେଉଁମାନଙ୍କ ଶିଶୁ ମୃତ୍ୟୁମୁଖରେ ପଡୁଥିଲେ ସେମାନଙ୍କୁ ମନ୍ଦିିର ନିର୍ମାଣ କରିବାକୁ କହିଲେ। ସାଧୁଙ୍କ କଥାରେ ମନ୍ଦିର ନିର୍ମାଣ ହେଲା। ଏହାପରେ ସାଧୁ ଜଣକ ସେହି ମନ୍ଦିର ଉପରୁ ରୋଗଗସ୍ତ ଶିଶୁଙ୍କୁ ତଳକୁ ଫିଙ୍ଗିବାକୁ କହିଥିଲେ। ଲୋକମାନେ ତାହା ହଁି କଲେ ଓ ସେତେବେଳେ ଏକ ଅଦ୍ଭୁତ ଘଟଣା ଘଟିଲା। ମନ୍ଦିରରୁ ଚାଦରର ଏକ ଝୁଲଣ ବାହାରି ଶିଶୁଙ୍କୁ କୋଳେଇ ନେଲା। ଶିଶୁ ବି ସୁସ୍ଥ ରହିଲା। ସେବେଠାରୁ ଶିଶୁଟିଏ ଜନ୍ମ ହେଲେ ତା’ର ସୁସ୍ଥତା କାମନାକରି ତାକୁ ମନ୍ଦିର ଉପରୁ ତଳକୁ ଫିଙ୍ଗିିଥାନ୍ତି ଗ୍ରାମବାସୀ। ଏଥିପାଇଁ ପିଲା ଦୀର୍ଘଜୀବୀ ହେବାସହ ସେମାନଙ୍କ ଭବିଷ୍ୟତ ଉଜ୍ଜ୍ୱଳ ହୁଏ ବୋଲି ବିଶ୍ୱାସ ରହିଛି। ପିଲା ଜନ୍ମହେବାର ଦୁଇମାସ ଭିତରେ ଏହା ପାଳନ କରାଯାଏ। ମଙ୍ଗାସୁଲିର ଆଖପାଖ ଗାଁ ଏବଂ କର୍ନାଟକର ନାଗ୍ରାଲା ଗାଁରେ ମଧ୍ୟ ଏମିତିକା ପରମ୍ପରା ରହିଛି।