ମଧ୍ୟପ୍ରଦେଶ ଇନ୍ଦୋର ସହରରେ ସାମ୍ପ୍ରଦାୟିକ ସଦ୍ଭାବନାର ନିଦର୍ଶନ ସାଜିଛି ଏକ ହିନ୍ଦୁ ପରିବାର। ଏଠାରେ ଥିବା ଏକ ଦରଘାର ସବୁ ଦାୟିତ୍ୱ ଏହି ପରିବାର ବୁଝି ଆସୁଛନ୍ତି। ନନ୍ଦଲାଲପୁରା ଛକ ନିକଟ ହଜରତ ଦୁଲ୍ଲା ସୟଦ ସରକାରଙ୍କ ଦର୍ଘାର ଏକ ସ୍ବତନ୍ତ୍ର ସ୍ଥାନ ରହିଛି। ୧୫x୨୫ ବର୍ଗଫୁଟ ଜମିରେ ଶୋଭା ପାଉଥିବା ଏହି ଦରଘାର ଦେଖାରଖା କରୁଛନ୍ତି ଏକ ହିନ୍ଦୁ ରାଜପୁତ ପରିବାର। ପ୍ରାୟ ୭ ଶହ ବର୍ଷ ହେବ ସେମାନେ ଦରଘାର ସବୁ ଦାୟିତ୍ୱ ସମ୍ଭାଳୁଛନ୍ତି। ଏହି ପରିବାରର ୧୨ତମ ପିଢିର ସେବକ ସଞ୍ଜୟ ବଡଗୁଜର କୁହନ୍ତି,ତାଙ୍କ ବାପା ସକାଳ ୩ଟାରୁ ଉଠି ଦରଘାର ଚାଦର ବଦଳାଇବା ପରେ ଦରଘା ପରିବେଶକୁ ଭଲ ଭାବେ ସଫା କରି ଅନ୍ୟ କାର୍ଯ୍ୟରେ ଲାଗିଯାନ୍ତି। ତାଙ୍କ ପରିବାର ମଧ୍ୟ ତାଜିଆ ଶୋଭାଯାତ୍ରା ଆୟୋଜନ କରିଥାନ୍ତି। ଏମିତିକି ଗାଟିଏ ସମୟରେ ତାଙ୍କ ପରିବାର ପକ୍ଷରୁ ସବୁଠାରୁ ବଡ଼ ତାଜିଆ ବାହାର କରାଯାଉଥିଲା। ଏଥିଲାଗି ବି ତାଙ୍କ ପରିବାରକୁ ହୋଲ୍କର ରାଜବଂଶ କାଳରେ ସମ୍ମାନିତ କରାଯାଇଥିଲା। ଏହି ଦରଘାରେ ପ୍ରତି ବର୍ଷ ଆୟୋଜିତ ହେଉଥିବା ଉର୍ସରେ ସବୁ ଧର୍ମର ଲୋକ ସାମିଲ ହୁଅନ୍ତି। ଏଠାରେ ହିନ୍ଦୁରାଜାଙ୍କ ମନସ୍କାମନା ପୂରଣ କରିବା ପାଇଁ ଆୟୋଜିତ ତାଜିଆ ମୁସଲମାନମାନେ କରିଥାନ୍ତି। ମହରମରେ ବି ସବୁ ଧର୍ମର ଲୋକମାନେ ଭାଗ ନେଇଥାନ୍ତି। କେବଳ ଏତିକି ନୁହେଁ ଏହି ସହରରେ ରହୁଥିବା ବିହାର ଓ ଉତ୍ତରପ୍ରଦେଶର ଲୋକମାନଙ୍କ ପାଇଁ ଛଟ୍ ପର୍ବରେ ଛଟ୍ ଘାଟକୁ ମୁସଲମାନମାନେ ସଫା କରି ଭାଇଚାରାର ପରିଚୟ ଦେଇଥାନ୍ତି।