ଜଣେ ଦିବ୍ୟାଙ୍ଗ ମହିଳା ଭିକ ମାଗି ନଗରନିଗମରେ ଟିକସ ପଇଠ କରି ଏକ ନିଆରା ଉଦାହରଣ ସୃଷ୍ଟି କରିଛନ୍ତି। ମହିଳାଙ୍କ ନାମ ଜ୍ୟୋତ୍ସ୍ନା ଗାନ୍ଧୀ। ଗୁଜରାଟ ବଡୋଦରାରେ ସେ ରୁହନ୍ତି ।
ତାଙ୍କର ଗୋଟିଏ ପୁଅ । ସେ ବି ଦିବ୍ୟାଙ୍ଗ। ତେବେ ପୁଅର ଦେଖାଶୁଣା କରିବା ପାଇଁ ଜ୍ୟୋତ୍ସ୍ନା ଏକ ମନ୍ଦିିର ବାହାରେ ବସି ଭିକ ମାଗିଥାନ୍ତି। ବଡ଼ୋଦରା ନଗର ନିଗମ (ବିଏମ୍ସି) କାର୍ଯ୍ୟାଳୟରେ ତାଙ୍କୁ ହଠାତ୍ ପହଞ୍ଚିବା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ବିଏମ୍ସିର ବକେୟା ଟ୍ୟାକ୍ସ ଦେବା ଲାଗି ସେ ଏକ ବ୍ୟାଗ୍ରେ ଖୁଚୁରା ଟଙ୍କା ବି ନେଇଥିଲେ । ଜ୍ୟୋତ୍ସ୍ନା ୨୦୦୩ରୁ ଟ୍ୟାକ୍ସ ଭରି ନ ଥିଲେ। ତାଙ୍କୁ ଏ ବାବଦରେ ପାଖାପାଖି ୧୩,୦୦୦ ଟଙ୍କା ପଇଠ କରିବାକୁ ଥିଲା। କେବଳ ଏତିକି ନୁହେଁ ବିଏମ୍ସିର ଆସିଷ୍ଟାଣ୍ଟ୍ ମ୍ୟୁନିସିପାଲ୍ କମିଶନର ଜିଗ୍ନେଶ ଗୋହିଲ କୁହନ୍ତି, ପୂର୍ବରୁ ଏହି ଟ୍ୟାକ୍ସ ପାଇଁ ଜ୍ୟୋତ୍ସ୍ନାଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଯେଭଳି ଘର ସିଲ୍ କରିବା ଆଦି ଗ୍ରହଣ କରାଯାଇନଥିଲା। କିନ୍ତୁ ଏଇ ନିକଟରେ ସାଉଥ୍ ଜୋନ୍ରୁ ତାଙ୍କ ପାଖକୁ ଏଥିପାଇଁ ଏକ ନୋଟିସ ପଠାଇବା ପରେ ତାହା ସେ ପାଇ ଟ୍ୟାକ୍ସ ପଇଠ କରିଛନ୍ତି।