ବୁଢ଼ା ବୟସରେ ସନ୍ତାନମାନେ ସାହାରା ହୋଇଥାନ୍ତି। କିନ୍ତୁ ଜଣେ ବୃଦ୍ଧ ଅନ୍ୟ ଅସହାୟ ବୃଦ୍ଧଙ୍କ ପାଇଁ ଆଶାବାଡି ପାଲଟିବା କିଛି କମ୍ କଥା ନୁହେଁ। ପଶ୍ଚିମବଙ୍ଗର ହାଓଡା ଜିଲାନିବାସୀ ତୁଳସୀରାମ ମନ୍ତ୍ରୀ ୫୦୦ ବୃଦ୍ଧଙ୍କୁ ପ୍ରତିମାସରେ ରାଶନ ସାମଗ୍ରୀ ଯୋଗାଉଛନ୍ତି। ତୁଳସୀରାମଙ୍କୁ ଏବେ ବୟସ ୬୮। ଏ ବୟସରେ ସେ ସାଥୀମାନଙ୍କ ସହଯୋଗରେ ଏଭଳି ମହତ୍ ସେବା ଜାରି ରଖିଛନ୍ତିି। ପ୍ରତି ମାସରେ ଏମାନେ ବୃଦ୍ଧମାନଙ୍କ ଘରେ ରାଶନ ସାମଗ୍ରୀ ପହଞ୍ଚାଉଛନ୍ତି। ୨୦୦୧ରେ ଛଗନଲାଲ ଭଡ଼କ ନାମକ ଜଣେ ବୃଦ୍ଧ ପ୍ରଥମେ ଏହି ଅଭିଯାନ ଆରମ୍ଭ କରିଥିଲେ ଓ ତାଙ୍କର ଏହି ମହତ୍ କାର୍ଯ୍ୟକୁ ଆଗକୁ ବଢାଇଛନ୍ତି ବୋଲି କୁହନ୍ତି ତୁଳସୀରାମ। ଆରମ୍ଭରୁ ଗୋଟିଏ ମାସରେ ୧୫ ଜଣ ବୃଦ୍ଧଙ୍କୁ ରାଶନ ସାମଗ୍ରୀ ଯୋଗାଇ ଦିଆଯାଉଥିଲା। ଧୀରେଧୀରେ ଏହା ବୃଦ୍ଧିପାଇ ଏବେ ୫୦୦ରେ ପହଞ୍ଚିଛି ଓ ଏମାନଙ୍କୁ ସେ ଜୀବନ ସାରା ରାଶନ ସାମଗ୍ରୀ ଯୋଗାଇଦେବା ପାଇଁ ଲାୟନ୍ସ କ୍ଲବ୍ ଅଫ୍ ଗ୍ରେଟର ବି-୨ ପକ୍ଷରୁ ‘ଫୁଡ୍ ଫର୍ ଲାଇଫ୍’ ଯୋଜନା ମଧ୍ୟ ଆରମ୍ଭ କରିଛନ୍ତି।