ପରିବେଶକୁ ପ୍ରଦୂଷଣ କରୁଥିବା ପ୍ଲାଷ୍ଟିକ ବ୍ୟବହାର ରୋକିବା ପାଇଁ ତାମିଲନାଡୁର ତେନିଥ୍ ଆଦିତ୍ୟ କଦଳୀ ପତ୍ରରେ ବିଭିନ୍ନ ବ୍ୟବହାର ଉପଯୋଗୀ ଜୈବିକ ଜିନିଷ ତିଆରି କରୁଛନ୍ତି। ସେ କୌଣସି କେମିକାଲ ବ୍ୟବହାର ନ କରି କଦଳୀ ପତ୍ରରେ ଡିସ୍ପୋଜେବଲ କପ୍, ପ୍ଲେଟ,ଏନ୍ଭଲପ, ଷ୍ଟ୍ର ଆଦି ଉପତ୍ାଦ ପ୍ରସ୍ତୁତ କରୁଛନ୍ତି। ଏହି ଜିନିଷଗୁଡିକ ବି ବର୍ଷେ ଯାଏ ସୁରକ୍ଷିତ ରହିପାରିବ ଓ ବ୍ୟବହାର ଉପଯୋଗୀ ବି ହେଉଛି। ବିରୁଧୁନଗର ଜିଲା ଓ୍ପାଟରପ୍ ଗାଁରେ ରହନ୍ତି ଆଦିତ୍ୟ। ପରିବେଶ ଉପଯୋଗୀ ‘ବାନାନା ଲିଫ୍ ଟେକନୋଲୋଜି’ରେ ଏଭଳି ଜିନିଷ ସେ ତିଆରି କରୁଛନ୍ତି। ଏହି ଟେକ୍ନୋଲୋଜି ପାଇଁ ଜାତୀୟ ସ୍ତରରେ ଦୁଇଟି, ଆନ୍ତର୍ଜାତିକ ସ୍ତରରେ ୭ଟି ପୁରସ୍କାର ଲାଭ କରିଛନ୍ତି ଆଦିତ୍ୟ। ସାଧାରଣତଃ କଦଳୀ ପତ୍ରରେ ତିଆରି ଜିନିଷ ଅତିବେଶିରେ ତିନିଦିନ ଯାଏ ରହିପାରେ, କିନ୍ତୁ ଏହି ଟେକ୍ନୋଲୋଜିରେ ତିଆରି ହେଉଥିବା ଜିନିଷ ନଷ୍ଟ ନ ହୋଇ ବର୍ଷେଯାଏ ରହିବା ସମସ୍ତଙ୍କୁ ଆଶ୍ଚଯ୍ୟ କରିଦେଇଛି। ଏହା ପ୍ରତିକୂଳ ପାଗରେ ବି ସୁରକ୍ଷିତ ରହୁଛି। ଏହି ଟେକ୍ନୋଲୋଜିରେ ସେ କଦଳୀପତ୍ରରେ ଥିବା ସେଲ୍ ବୃଦ୍ଧି କରିବା ସହ ସେଲ୍ ଓ୍ବାଲ୍କୁ ମଜଭୁତ କରୁଛନ୍ତି। ପତ୍ରରୁ ରୋଗ ସୃଷ୍ଟିକାରୀ ସେଲ୍କୁ ବାହାର କରିବା ପରେ ସେ ଜିନିଷ ତିଆରି କରିବା ପାଇଁ ବ୍ୟବହାର କରୁଛନ୍ତି। ଆଦିତ୍ୟଙ୍କୁ ଏବେ ବୟସ ୨୨। ସେ ଏହା ବିନା କେମିକାଲରେ କରୁଛନ୍ତି ।
ଆଦିତ୍ୟ କହନ୍ତି ଯେ, ଏହି ସବୁ ଜିନିଷ ଶତ ପ୍ରତିଶତ ଜୈବିକ। ବିଭିନ୍ନ ଜିନିଷ ପ୍ରସ୍ତୁତ କରିବାକୁ ସେ ମେଶିନ ବ୍ୟବହାର କରୁଛନ୍ତି। ଆଦିତ୍ୟ ଏବେ ଏହି ଜିନିଷ କିପରି ଅଧିକ ତିଆରି କରାଯାଇପାରିବ ସେଥିପାଇଁ ୧୦ଟି କମ୍ପାନୀ ସହ ଯୋଗାଯୋଗ କରୁଛନ୍ତି। ଏହା ସମ୍ଭବ ହେଲେ ଦେଶରେ ଡିସ୍ପୋଜାଲ ପ୍ଲାଷ୍ଟିକ ବ୍ୟବହାର ପୂରା କମିଯିବ ବୋଲି କହନ୍ତି ଆଦିତ୍ୟ।