ନିଜସ୍ବ ଉଦ୍ୟମରେ ପାହାଡ଼ିଆ ଅଞ୍ଚଳରେ କେଭ୍ଓ୍ବେଲ (ଗୁମ୍ଫା ଭଳି ଦେଖାଯାଉଥିତ୍ବା କୂଅ) ଖୋଳି ଲୋକମାନଙ୍କୁ ଚାଷକାମ ପାଇଁ ପାଣି ଯୋଗାଉଛନ୍ତି କେରଳର କୁଜମ୍ବୁ। ତାଙ୍କୁ ବର୍ତ୍ତମାନ ବୟସ ୬୭। ଦୀର୍ଘ ୫୦ ବର୍ଷ ମଧ୍ୟରେ ସେ ତାଙ୍କ ଅଞ୍ଚଳରେ ୧ ହଜାରରୁ ଊର୍ଦ୍ଧ୍ୱ କୂଅ ଖୋଳିସାରିଲେଣି। କସାରଗୁଡା ଜିଲାର କୁଣ୍ଡାମୁଝୀ ଗାଁର ବାସିନ୍ଦା କୁଜମ୍ବୁ ସେ ଅଞ୍ଚଳର ବିଭିନ୍ନ ଗ୍ରାମରେ କୂଅ ଖୋଳି ସେଥିରୁ କୃଷି ପାଇଁ ପାଣି ଯୋଗାଇ ଦେଉଛନ୍ତି। ସେ ୧୪ ବର୍ଷ ବୟସରୁ କୂଅ ଖୋଳିବା ଆରମ୍ଭ କରିଥିଲେ। ଏହି କୂଅ ସେ ପାହାଡ଼ କଡରେ ସରୁ ଗୁମ୍ଫା ଆକାରରେ ଖୋଳିଥାନ୍ତି। ୨.୫ ଫୁଟ୍ ଚଉଡାରେ ୩୦୦ ଫୁଟ ଗଭୀର ଯାଏ ପାଣି ପଡିବା ପର୍ଯ୍ୟନ୍ତ ଏହାକୁ ଖୋଳିଥାନ୍ତି। କୂଅରେ ପାଣି ଭର୍ତ୍ତି ହେବା ପରେ ତାହାକୁ ଏହି କୂଅ ପାଖରେ ଥିବା ଏକ କୁଣ୍ଡରେ ସଂରକ୍ଷିତ କରାଯାଇ କୃଷି କାର୍ଯ୍ୟରେ ବ୍ୟବହାର କରାଯାଏ। ଗଭୀର କୂଅ ଖୋଳିବା ସମୟରେ ସେ ବହୁ ସମୟରେ ସେ ବିପଦର ସମ୍ମୁଖୀନ ହେଲେ ବି କୃଷିପାଇଁ ଜଳ ଯୋଗାଇ ପାରୁଥିବାରୁ ସେ ଖୁସି ବୋଲି କହନ୍ତି କୁଜମ୍ବୁ।
