ଗାଁର ନାଁ ବାଡ଼ମେର। ରାଜସ୍ଥାନର ଏହି ଗାଁଟି ଯାହା କରୁଛି ତାହା ଆଉ କେହି କରୁନାହାନ୍ତି। ପ୍ରଚଣ୍ଡ ତାତିରୁ ପକ୍ଷୀମାନଙ୍କୁ ସୁରକ୍ଷା ଦେବା ଲାଗି ଗାଁଲୋକେ ଲାଗିପଡିଛନ୍ତି। ସେମାନେ ଟଙ୍କା ଆଦାୟ କରି ତେଲଟିଣ କିଣି ସେଥିରେ ପକ୍ଷୀମାନଙ୍କ ଗାଧୋଇବା ଓ ଖାଇବା ଲାଗି ବ୍ୟବସ୍ଥା କରିଛନ୍ତି। ଟିଣର ଚାରିକଡ଼ରେ ମଝିରୁ କିଛି ଅଂଶ କାଟି ବାହାର ଆଡକୁ ରଖି ସେଥିରେ ଖାଦ୍ୟ ରଖୁଛନ୍ତି। ଟିଣର ତଳ ଅଂଶରେ ପାଣି ଭର୍ତ୍ତି କରିବା ପରେ ଏହାକୁ ବିଭିନ୍ନ ସ୍ଥାନରେ ଗଛରେ ଝୁଲାଇ ଦିଆଯାଉଛିି। ପକ୍ଷୀମାନେ ଆସି ଟିଣ ଚାରିକଡ଼ରେ ବାହାରକୁ ବାହାରିଥିବା ଅଂଶରେ ବସି ଖାଦ୍ୟ ଖାଇବା ସହ ପାଣିରେ ଗାଧଉଛନ୍ତି। ଏବେ ବାଡ଼ମେର ଓ ଏହାର ଆଖପାଖ ଅଞ୍ଚଳରେ ତାପମାତ୍ରା ୫୦ଡିଗ୍ରୀ ଛୁଇଁଛି। ଜଳାଭାବ ତଥା ତାତି ସହି ନ ପାରି ବହୁ ସଂଖ୍ୟାରେ ପକ୍ଷୀ ମରିଯାଉଛନ୍ତି। ଏହି ସ୍ଥିତିରେ ଗ୍ରାମବାସୀ ଏଭଳି ପାରମ୍ପରିକ ଉପାୟରେ ପକ୍ଷୀଙ୍କ ଜୀବନ ବଞ୍ଚାଉଥିବାରୁ ଏହାକୁ ସ୍ଥାନୀୟ ଆଇଏଫ୍ଏସ୍ ଅଧିକାରୀ ପ୍ରବୀଣ କସଓ୍ବାନ ପ୍ରଶଂସା କରିଛନ୍ତି।