ପବିତ୍ର ରାଖୀପୂର୍ଣ୍ଣମୀରେ କିଏ କେତେ ପ୍ରକାର ରାଖୀ ବାନ୍ଧିଲେ କିନ୍ତୁ ମହାରାଷ୍ଟ୍ରର ମିନାକ୍ଷୀ ଓ୍ବାକେଙ୍କ ବାଉଁଶ ତିଆରି ରାଖୀ ଥିଲା ସମ୍ପୂର୍ଣ୍ଣ ଭିନ୍ନ, ଆକର୍ଷଣୀୟ ତଥା ପରିବେଶ ଉପଯୋଗୀ। ବାଉଁଶ କାଠିକୁ ସୂତାରେ ବାନ୍ଧି ଏହାକୁ ତିଆରି କରିଛନ୍ତି। କେବଳ ରାଖୀ ନୁହେଁ ସେ ସ୍ବାଧୀନତା ଦିବସ ଉପଲକ୍ଷେ ତିଆରି କରୁୁଛନ୍ତି ବାଉଁଶର ତ୍ରିରଙ୍ଗା ଲକଟେ। ଛୋଟ ଛୋଟ ବାଉଁଶ କାଠିକୁ ବୁଣି ଛପା ଆକାରର କରିବା ପରେ ତାହାକୁ ରଙ୍ଗାଇଛନ୍ତି। ବାଉଁଶରେ ତ୍ରିରଙ୍ଗା ପତାକା କରିଛନ୍ତିି। ତାଙ୍କ ହାତ ତିଆରି ବାଉଁଶର ଗହଣା, ଟେବୁଲ ମ୍ୟାଟ ଓ ବାସ୍କେଟର ବି ଖୁବ୍ ଚାହିଦା ରହିଛି। ମିନାକ୍ଷୀ ରହନ୍ତି ଚାନ୍ଦପୁରରେ। ତାଙ୍କୁ ବର୍ତ୍ତମାନ ବୟସ ୨୯। ତାଙ୍କ ଅଞ୍ଚଳରେ ବାଉଁଶ ଶସ୍ତାରେ ଉପଲବ୍ଧ ହେଉଥିବାରୁ ୨୦୧୭ରେ ସେ ପ୍ରଥମେ ଏହି କାର୍ଯ୍ୟ ଆରମ୍ଭ କରିଥିଲେ। ଧୀରେ ଧୀରେ ତାଙ୍କ କଳାକୃତିର ଆଦର ବଢିବା ପରେ ସେ ତାଙ୍କ ବ୍ୟବସାୟକୁ ବଢ଼ାଇପାରିଛନ୍ତି। ଏବେ ଏହି ସବୁ ସାମଗ୍ରୀକୁ ସେ ‘ଅଭିସାର ଇନୋଭେଟିଭ’ ବ୍ରାଣ୍ଡ୍ରେ ବିକ୍ରି କରୁଛନ୍ତି। କରୋନା ମହାମାରୀ ସମୟରେ ସେ ସ୍ଥାନୀୟ ଅଞ୍ଚଳର ଗରିବ ମହିଳାମାନଙ୍କୁ ଏହିି କାମରେ ଲଗାଇଛନ୍ତି। ଚଳିତ ବର୍ଷ ସେ ୧୦,୦୦୦ ରାଖୀ ବିକ୍ରି କରିଛନ୍ତି। ଏହାପରେ ସ୍ବାଧୀନତା ଦିବସ ପାଇଁ ୩୦୦୦ ଲକେଟ ତିଆରି କରି ବିକ୍ରି କରିବାକୁ ଲକ୍ଷ୍ୟ ରଖିଛନ୍ତି। ମିନାକ୍ଷୀଙ୍କ ସମ୍ପର୍କରେ ଜାଣିବା ପରେ ମୁମ୍ବାଇର ଲତା ମେନନ ଏକାକୀ ୭୦୦ ରାଖୀ କଣିଥିଲେ।