ସ୍ବଚ୍ଛ ଭାରତ ସ୍ଲୋଗାନ ପ୍ରତିଧ୍ୱନିତ ହୋଇଛି ରାଜସ୍ଥାନର ଜଣେ ୧୮ ବର୍ଷୀୟା ଝିଅ ଚେସ୍ତା ଗୁଲେଚ୍ଛାଙ୍କ ହୃଦୟରେ। ସେ ଗାଁରୁ ସବୁ ଅଳିଆ ସଫା କରିଦେଇଛନ୍ତି। ଏଥିପାଇଁ ତାଙ୍କୁ ୫୦ ଦିନ ଲାଗିଛି। ଚଳିତ ବର୍ଷ କଲେଜ ଶିକ୍ଷା ଡ୍ରପ୍ କରି ସେ ତାଙ୍କ ଜେଜେବାପା ଓ ଜେଜେମା’ଙ୍କ ସହ କିଛି ସମୟ କଟାଇବା ଲାଗି ଖିଛାନ ଗାଁକୁ ଆସିଥିଲେ। ଗାଁରେ ପହଞ୍ଚିବାପରେ ରାସ୍ତାରେ ଅଳିଆ ଆବର୍ଜନା ଦେଖିବାକୁ ପାଇଥିଲେ। ପରେ ସେ ଏକ ଝାଡୁ ଓ ବ୍ୟାଗ ଧରି ରାସ୍ତାରୁ ଅଳିଆ ଗୋଟାଇବା ଆରମ୍ଭ କରିଦେଲେ। ପାଞ୍ଚଦିନ ଯାଏ ତାଙ୍କୁ କେବଳ ଗ୍ରାମବାସୀ ଦେଖିଲେ, କିଛି ବି ସାହାଯ୍ୟ କଲେନି, ବରଂ ଏଭଳି କାମ ଦେଖି ଚେସ୍ତାଙ୍କୁ ସେମାନେ ‘ମ୍ୟାଡ୍ ସିଟି ଗର୍ଲ’ ବୋଲି କହିବାକୁ ଲାଗିଲେ। ଚେସ୍ତାଙ୍କ ଜାତିରେ ରାସ୍ତା ସଫା କରିବା ଉଚିତ ନୁହେଁ ବୋଲି କହି ସେମାନେ ବିରୋଧ କରିବାକୁ ଲାଗିଲେ। କିନ୍ତୁ ଠିକ୍ ୬ଦିନ ବେଳକୁ ଗ୍ରାମବାସୀ ତାଙ୍କ ସହ ଯୋଗ ଦେଇ ସଫା କରିବା ଆରମ୍ଭ କରିଦେଲେ। ପରେ ଚେସ୍ତା ଏକ ଟିମ ୍ଗଢି ୫୦ ଦିନରେ ପୂରା ଗାଁକୁ ସଫା କରିଦେଇଛନ୍ତି। ଏଥିସହ ପ୍ରତିଦିନ ଘରକୁ ଘର ବୁଲି ଅଳିଆ ସଂଗ୍ରହ କରିବା କାର୍ଯ୍ୟ ବି ଆରମ୍ଭ କରିଛନ୍ତି। ଚେସ୍ତା ଓ ତାଙ୍କ ଟିିମ୍ ପ୍ରତି ସପ୍ତାହର ସୋମବାର ଓ ଗୁରୁବାର ଗାଁରେ ବୁଲି ଟ୍ରାକ୍ଟରରେ ଅଳିଆ ସଂଗ୍ରହ କରି ବାହାରକୁ ନେଉଛନ୍ତି। ସେ ଏ ବାବଦରେ ମୋଟ ୫୦,୦୦୦ ଟଙ୍କା ନିଜ ପକେଟରୁ ଖର୍ଚ୍ଚ କରିଛନ୍ତି।