ଚା’ ବିନା ଜୀବନ ବିଷୟରେ ଚିନ୍ତା କରାଯାଇପାରେନା ବୋଲି ଆମମାନଙ୍କ ମଧ୍ୟରୁ ଅନେକଙ୍କ ଧରଣା। ଏଥିତ୍ପାଇଁ ତ ସକାଳ ହେବା କ୍ଷଣି ଘରେ ଓ ରାସ୍ତାକଡ଼ ଦୋକାନରେ ଜମିଯାଏ ଚା’ର ଆସର। ମାଟି ଖୁରା କିି କାଚଗ୍ଲାସରେ ଚା’ କପ୍ର ମୂଲ୍ୟ ୧୦ ଟଙ୍କା ହେଲେ ଆମକୁ ବୁକା। ହେଲେ ବିସ୍କୁଟ କପରେ ଚା’ମୂଲ୍ୟ ୨୦ଟଙ୍କାରେ ବିକ୍ରି ହେଉଛି ତାମିଲନାଡୁରେ। ଏହା ଶୁଣି ଆଶ୍ଚର୍ଯ୍ୟ ଲାଗୁଥିବ, ହେଲେ କଥା ସତ। ଏଭଳି ଚା’ ବିକ୍ରି ହେଉଛି କିଓସ୍କର ମଦୁରାଇ ଓ୍ବେଷ୍ଟ ମାସି ଷ୍ଟ୍ରିଟ୍ରେ ଥିବା ବିବେକ ସଭାପତିଙ୍କ ଚା’ ଦୋକାନରେ। ସେ ଦୋକାନର ନାଁ ରଖିଛନ୍ତି ‘ଆର୍ଏସ୍ ପଥି ଆଣ୍ଡ୍ କୋ’। କେବଳ ଏତିକି ନୁହେଁ, ଏହି ଚା’ଦୋକାନରେ ଚା’ ପିଇବେ ଓ ବିସ୍କୁଟ କପ୍କୁ ବି ଖାଇବେ । ବିସ୍କୁଟ କପ୍ର ସ୍ବାଦ ଚକୋଲେଟ ଭଳି। ଏଥିରେ ୬୦ମିଲି ଚା’ଧରୁଛି ଓ ୧୦ ମିନିଟ ଯାଏ ତାହା ଗରମ ରହୁଛି। ପ୍ରତିଦିନ ୫୦୦ କପ୍ ଏଭଳି ଚା’ ବିକ୍ରି ହେଉଛି ବୋଲି କହନ୍ତି ବିବେକ। ୨୦୧୯ରେ ସିଙ୍ଗଲ ୟୁଜ ପ୍ଲାଷ୍ଟିକ ବ୍ୟବହାର ବନ୍ଦ ହେବା ପରେ ବିବେକ ବିସ୍କୁଟ କପ୍ରେ ଚା’ଦେଉଛନ୍ତି।