ଇଲେକ୍ଟ୍ରି ବାଇକ୍ ଚଲାଇବେ ଓ ତାହାକୁ ଫୋଲ୍ଡିଂ କରି ରଖିଦେବେ। ଏମିତି ଏକ ବାଇକ୍ ନିର୍ମାଣ କରିଛନ୍ତି ଅହମଦାବାଦର ରାଜ୍ ପଟେଲ। ଏହି ବାଇକ୍ର ଓଜନ ମଧ୍ୟ କମ୍।
ସେ ୨୦୧୭ରେ ‘ସ୍ବିଚ୍ ବାଇକ୍ସ ଷ୍ଟାର୍ଟଅପ’୍ ଗଠନ କରି ତା’ମାଧ୍ୟମରେ ଏହାକୁ ନିର୍ମାଣ କରୁଛନ୍ତି। ଏବେ ସୁଦ୍ଧା ଏଥିରୁ ସେ ୨ କୋଟି ଟଙ୍କା ରୋଜଗାର କରିସାରିଲେଣି। ସାଧାରଣ ସାଇକେଲ ଘଣ୍ଟାକୁ ୧୦ରୁ ୨୦ କି.ମି. ବେଗରେ ଯାଇପାରୁଥିବା ବେଳେ ସ୍ବିଚ୍ ଇଲେକ୍ଟ୍ରି ବାଇକର ଘଣ୍ଟା ପ୍ରତି ବେଗ ରହୁଛି ୨୦ରୁ ୪୦ କି.ମି.। ୨୦୧୯ରେ ସେ ପ୍ରଥମେ ସ୍ବିଚ୍ ବାଇକ ନିର୍ମାଣ କରି ୨୦୨୦ ଜାନୁୟାରୀରେ ବିକ୍ରି ଆରମ୍ଭ କରିଥିଲେ। ଏବେ ସୁଦ୍ଧା ୭୦୦୦ ୟୁନିଟ୍ ବିକ୍ରି କରିସାରିଲେଣି। ଭାରତ ସମେତ ଦୁବାଇ, ଆମେରିକା, ନେଦରଲାଣ୍ଡ ଏବଂ ଅଷ୍ଟ୍ରେଲିଆରେ ବି ଏହି ବାଇକ୍ ବିକ୍ରି ହେଉଛି। ତାଙ୍କ ଷ୍ଟାର୍ଟଅପ୍ରେ ୨୫୦ଜଣ କର୍ମଚାରୀ କାମ କରୁଛନ୍ତି। ରାଜ୍ଙ୍କ ବୟସ ଏବେ ୩୦। ସେ ଅଷ୍ଟ୍ରେଲିଆରେ ମାର୍କେଟିଂ ଓ ଫାଇନାନ୍ସରେ ଡିଗ୍ରୀ ହାସଲ କରିଛନ୍ତି। ଇଭି ବାଇକ୍ର ବ୍ୟାଟେରି ଅଢ଼େଇ ଘଣ୍ଟାରେ ପୂରା ଚାର୍ଜ ହୋଇପାରୁଛି ଓ ଏଥିରେ ତାହା ୮୦ରୁ ୧୦୦ କି.ମି. ଯାଇପାରୁଛି। ଏହା ଘଣ୍ଟା ପ୍ରତି ୪୦ କି.ମି. ବେଗରେ ଯାଇପାରୁଛି। ଉକ୍ତ ବାଇକ୍କୁ ପରୀକ୍ଷା କରିବାକୁ ଆସୁଥିବା ପ୍ରତି ୧୦ ଜଣରେ ୮ ଜଣ କିିଣୁଛନ୍ତି ବୋଲି କୁହନ୍ତି ରାଜ୍। ବାଇକ୍ର ମୂଲ୍ୟ ୩୪ ହଜାରରୁ ଆରମ୍ଭ କରି ୧ଲକ୍ଷ ଟଙ୍କା ଯାଏ ରଖାଯାଇଛି। ଏବେ ରାଜ୍ ଇଲେକ୍ଟ୍ରି ମୋଟରବାଇକ୍ ନିର୍ମାଣ କରିବାକୁ ଯୋଜନା କରୁଛନ୍ତି।