ଧର୍ମୀୟ ପରମ୍ପରାରେ ଅନ୍ଧବିଶ୍ୱାସର ପ୍ରଭାବ କାଳକାଳକୁ ରହି ଆସିଛି, ଯାହାର ଏକ ଦୃଷ୍ଟାନ୍ତ ହେଉଛି ଝାଡ଼ଖଣ୍ଡର ଦୁର୍ଗାପୁର ଗାଁ। କସମାର ବ୍ଲକ ଅନ୍ତର୍ଗତ ଏହି ଗାଁରେ ହୋଲି ପର୍ବକୁ ନେଇ ଏକ ଅନ୍ଧବିଶ୍ୱାସ ଏଯାବତ ବଳବତ୍ତର ରହିଥିବା ଦେଖାଯାଏ, ଯେଉଁଥିପାଇଁ ଆଜକୁ ୧୦୦ ବର୍ଷ ହେଲା ଏହି ପର୍ବ ପାଳନ କରାଯାଉନାହିଁ। ଏହି ଘଟଣା ପଛରେ ବି ଏକ କାହାଣୀ ରହିଛି। ୧୦୦ ବର୍ଷ ପୂର୍ବେ ଜଣେ ରାଜାଙ୍କ ଝିଅର ମୃତ୍ୟୁ ହୋଲି ଦିନ ହୋଇଥିଲା। ଏହା ସତ୍ତ୍ୱେ ଦୁର୍ଗାପୁରରେ ହୋଲି ପାଳନ କରାଯାଇଥିଲା। ହୋଲି ପରେ ସେହି ଗାଁରେ ମହାମାରୀ ବ୍ୟାପିବା ଯୋଗୁ ବହୁ ଲୋକଙ୍କର ମୃତ୍ୟୁ ଘଟିଥିଲା। ଏହା ଦେଖି ରାଜା ସେବେଠାରୁ ସେହି ଗାଁରେ ହୋଲି ପାଳନ ହେବ ନାହିଁ ବୋଲି ଆଦେଶ ଦେଇଥିଲେ। ସେବେଠାରୁ ଦୁର୍ଗାପୁରର ଲୋକେ ସେହି ଆଦେଶ ପାଳନ କରି ଆସୁଛନ୍ତି। ଏହା ବ୍ୟତୀତ ସେଠାରେ ଲୋକଙ୍କର ଏବେ ବି ବିଶ୍ୱାସ ରହିଛି ଯେ, ଯଦି କୌଣସି ବ୍ୟକ୍ତି ଅନ୍ୟ ଜଣଙ୍କୁ ରଙ୍ଗ ଲଗାଇବେ ତେବେ ଗାଁରେ ମହାମାରୀ ପୁଣି ବ୍ୟାପିଯିବ। ଏହି ଭୟ ସେଠାକାର ଲୋକଙ୍କୁୁ ହୋଲି ପାଳନରୁୁ ବଞ୍ଚତ୍ତ କରିଆସିଛି।