ପ୍ରାଣୀ ଉଦ୍ଧାରରେ ସମର୍ପିତ ଜୀବନଟିଏ ହେଉଛନ୍ତି ପ୍ରିୟା ଅଗ୍ରଓ୍ବାଲା ହିବ୍ବର। ସେ ରହୁଛନ୍ତି ମୁମ୍ବାଇରେ। ସହରର ବିଭିନ୍ନ ସ୍ଥାନରେ ନିର୍ଯାତିତ ବୁଲା ପ୍ରାଣୀମାନଙ୍କୁ ଉଦ୍ଧାର କରି ସେମାନଙ୍କୁ ଆଶ୍ରୟ ଦେଉଛନ୍ତି। ସେ ଏହି କାର୍ଯ୍ୟକୁ ‘ୟୋଦା’ ଏନ୍ଜିଓ ମାଧ୍ୟମରେ ସଞ୍ଚାଳନ କରୁଛନ୍ତି। ପ୍ରିୟାଙ୍କୁ ଯେତେବେଳେ ୧୬ ବର୍ଷ ବୟସ ହୋଇଥିଲା ସେତେବେଳେ ସେ ଏହି ସଂସ୍ଥା ଗଠନ କରିଥିଲେ। ଏବେ ତାହା ଏକ ବୃହତ୍ ସଂସ୍ଥା ପାଲଟିଯାଇଛି। ପ୍ରାଣୀମାନଙ୍କୁ ଉଦ୍ଧାର କରିବା, ସେମାନଙ୍କୁ ଚିକିତ୍ସା କରି ଆଶ୍ରୟସ୍ଥଳୀରେ ରଖିବା ଏବଂ ପ୍ରାଣୀମାନଙ୍କ ଜନ୍ମ ନିୟନ୍ତ୍ରଣ ଭଳି କାର୍ଯ୍ୟ ଏହା ମାଧ୍ୟମରେ କରାଯାଉଛି। ୟୋଦା ମାଧ୍ୟମରେ ପ୍ରତି ମାସରେ ୩,୦୦୦ରୁ ଊର୍ଦ୍ଧ୍ୱ ପ୍ରାଣୀଙ୍କୁ ଉଦ୍ଧାର କରାଯାଉଛି। ପ୍ରତି ମାସରେ ୫୦୦ କୁକୁର ଏବଂ ବିଲେଇଙ୍କର ବନ୍ଧ୍ୟାକରଣ ମଧ୍ୟ ହେଉଛି। ଏବେ ସୁଦ୍ଧା ପ୍ରିୟା ୪,୦୦୦ ପ୍ରାଣୀଙ୍କୁ ଏକ ଆଶ୍ରୟସ୍ଥଳୀରେ ରଖିଛନ୍ତି। ସେମାନଙ୍କ ଖାଦ୍ୟ ଓ ଚିକିତ୍ସା ଖର୍ଚ୍ଚ ସେ ନିଜେ ବହନ କରୁଛନ୍ତି। ମୁମ୍ବାଇରେ ପ୍ରାଣୀମାନଙ୍କ ପାଇଁ ଦିନରାତି ଆମ୍ବୁଲାନ୍ସ ସେବା ବ୍ୟବସ୍ଥା କରାଯାଇଛି।