ଏଇ ଭାରତରେ
10:13 amOctober 22, 2023 / 21

ସମ୍ପ୍ରଦାୟରେ ପ୍ରଥମ ପିଢ଼ିର କେହି ଜଣେ ପିଲା ଶିକ୍ଷାରେ ଡିଗ୍ରୀ ହାସଲ କଲେ ପୂରା ସମ୍ପ୍ରଦାୟ ତାଙ୍କ ପାଇଁ ଗର୍ବ ଅନୁଭବ କରେ। କେବଳ ଏତିକି ନୁହେଁ, ଶିକ୍ଷା କ୍ଷେତ୍ରରେ ପଛରେ ଥିବା ଅନ୍ୟ ବର୍ଗ ପାଇଁ ସେ ପ୍ରେରଣା ସାଜିଥାନ୍ତି। ସେଭଳି ଜଣେ ଗ୍ରାଜୁଏଟ ହେଉଛନ୍ତି ରାଜୁ କେନ୍ଦ୍ରି। ସେ ମହାରାଷ୍ଟ୍ର ବିଦର୍ଭ ଅଞ୍ଚଳର ବୁଲଧାନ ଜିଲା ପିମ୍ପ୍ରିଖଣ୍ଡାରେ ରହୁଥିବା ଓ୍ବାର୍‌କାରି ସମ୍ପ୍ରଦାୟର ପ୍ରଥମ ଗ୍ରାଜୁଏଟ। ରାଜୁ ଅର୍ଥାଭାବରୁ ପ୍ରତିଯୋଗିତାମୂଳକ ପରୀକ୍ଷା ପାଇର୍ଁ ପ୍ରସ୍ତୁତ ହୋଇପାରି ନ ଥିଲେ କି ଆଉ ଅଧିକ ପଢିପାରି ନ ଥିଲେ। ନିଜେ ସୁଯୋଗ ହରାଇଥିଲେ ବି ରାଜୁ ଅନ୍ୟ ପିଲାମାନଙ୍କ ପାଇଁ ଶିକ୍ଷାର ଆଶାବାଡ଼ି ସାଜିଛନ୍ତି। ୨୦୧୮ରେ ଏକଲବ୍ୟ ମୁଭ୍‌ମେଣ୍ଟ ଆରମ୍ଭ କରି ତୃଣମୂଳ ସ୍ତରର ପିଲାମାନଙ୍କୁ ଶିକ୍ଷାର ମୁଖ୍ୟ ସ୍ରୋତରେ ସାମିଲ କରୁଛନ୍ତି। ଏବେ ସୁଦ୍ଧା ଏହି ସଂସ୍ଥା ୩୦୦ ଗରିବ ପିଲାଙ୍କୁ ଉଚ୍ଚଶିକ୍ଷା ପାଇବା ଲାଗି ଯୋଗ୍ୟ କରିପାରିଛି। ଅନେକେ ମଧ୍ୟ ନିଜସ୍ବ ବ୍ୟବସାୟ ଆରମ୍ଭ କରିବାକୁ ସକ୍ଷମ ହୋଇଛନ୍ତି।