ପି ତାଙ୍କ ଶେଷ ଇଚ୍ଛା ପୂରଣ କରିବା ପାଇଁ ପ୍ରତିଦିନ ମାଗଣାରେ ଅସହାୟ ବରିଷ୍ଠ ନାଗରିକମାନଙ୍କୁ ଖାଦ୍ୟ ଯୋଗାଉଛନ୍ତି ଗୁଜରାଟର ରାକେଶ ପଞ୍ଚାଲ। ଗୁଜରାଟର ଭାସୋ ଅଞ୍ଚଳର ବିଭିନ୍ନ ଗାଁରେ ଥିବା ଏଭଳି ୫୦୦ରୁ ଊର୍ଦ୍ଧ୍ୱ ଲୋକଙ୍କ ନିକଟରେ ଟିଫିନରେ ଖାଦ୍ୟ ପହଞ୍ଚାଉଛନ୍ତି। ଏଥିପାଇଁ ସେ ‘ଭିସାମୋ ଟିଫିନ ସେବା’ ଆରମ୍ଭ କରିଛନ୍ତି ଓ ଏଯାବତ ୨.୫ ଲକ୍ଷ ମିଲ୍ ଯୋଗାଇ ସାରିଲେଣି। ଏହି କାର୍ଯ୍ୟରେ ୧୮ ଜଣ ଲୋକଙ୍କୁ ନିୟୋଜିତ କରିଛନ୍ତି। ରାକେଶ ବିଏସ୍ସି ଦ୍ୱିତୀୟ ବର୍ଷରୁ ପଢା ଛାଡ଼ି ଏକ ଘରୋଇ ନ୍ୟୁଜ ଚ୍ୟାନେଲରେ କାମ କରୁଥିଲେ। ପରେ ସେ ହାଇଦ୍ରାବାଦ, ଦିଲ୍ଲୀ, ଗୁଜରାଟ ଓ ମୁମ୍ବାଇରେ ବିଭିନ୍ନ ନ୍ୟୁଜ୍ ଚ୍ୟାନେଲରେ କାମ କରିଛନ୍ତି। ପରେ ସେ ଭାସୋ ଫେରି ତାଙ୍କ ପିତାଙ୍କ କନ୍ଷ୍ଟ୍ରକଶନ କାମ ବୁଝିଲେ। ସେହି ସମୟରେ ତାଙ୍କ ପିତା ଗରିବଙ୍କୁ ମାଗଣାରେ ଖାଦ୍ୟ ଦେଉଥିଲେ ଓ ଜୀବନ ସାରା ଏହା କରିବାକୁ ଇଚ୍ଛା ବି ରଖିଥିଲେ। ତାଙ୍କର ମୃତ୍ୟୁ ହେବା ପୂର୍ବରୁ ସେ ଏହାକୁ ଚାଲୁ ରଖିବା ଲାଗି ରାକେଶଙ୍କୁ କହିଥିଲେ। ପରେ ରାକେଶ ହସ୍ପିଟାଲ ଯାଇ ୧୫ ଜଣ ରୋଗୀଙ୍କୁ ଖାଦ୍ୟ ଦେଇଥିଲେ। ଏହିଠାରୁ ତାଙ୍କ ସେବା ଆରମ୍ଭ ହୋଇ ଏବେ ଭାସୋ ଅଞ୍ଚଳର ବିଭିନ୍ନ ଗାଁରେ ପହଞ୍ଚିପାରିଛି।