ମୋବାଇଲ ପୁରୁଣା ହୋଇଗଲେ ତାହାକୁ ଫିଙ୍ଗି ଦିଆଯାଉଛି। ଏହା ଇ-ଓ୍ବେଷ୍ଟ ପରିବେଶ ଲାଗି କ୍ଷତିକାରକ। କିନ୍ତୁ ପୁରୁଣା ମୋବାଇଲକୁ ରିସାଇକ୍ଲିଂ କରି ଦିଲ୍ଲୀର ଦୁଇ ସାଙ୍ଗ ଅଭିନୀତ ସିଂ ଓ ସକେତ ସୌରଭ ଚଳିତବର୍ଷ ୨୪୦ କୋଟି ଟଙ୍କାରୁ ଅଧିକ ରୋଜଗାର କରିପାରିଛନ୍ତି। ସେମାନେ ‘ରି-ଫିଟ ଗ୍ଲୋବାଲ’ କମ୍ପାନୀ ମାଧ୍ୟମରେ ଏହି କାର୍ଯ୍ୟ କରୁଛନ୍ତି। ସେମାନେ ରିସାଇକ୍ଲିଂ କରି ଏବେ ସୁଦ୍ଧା ୧.୭୫ ମିଲିୟନରୁ ଊର୍ଦ୍ଧ୍ୱ ୟୁନିଟ୍ ବିକ୍ରି କରି ସାରିଲେଣି। ଉଭୟ ଅଭିଜିତ ଓ ସକେତ ଚାକିରି କରିଥିଲେ। ତାହାକୁ ଛାଡ଼ି ୨୦୧୭ରେ ସେମାନେ ରିଫିଟ ଗ୍ଲୋବାଲ କମ୍ପାନୀ କରି ଇ-ଓ୍ବେଷ୍ଟ ହ୍ରାସ କରିବାକୁ ପୁରୁଣା ମୋବାଇଲ ରିସାଇକ୍ଲିଂ ଆରମ୍ଭ କରିଥିଲେ। ସେମାନେ ଏବେ ସୁଦ୍ଧା ୫୫,୦୦୦ରୁ ୬୫,୦୦୦ ଫୋନ ପ୍ରତି ମାସରେ ରିସାଇକ୍ଲିଂ କରିପାରୁଛନ୍ତି। ପ୍ରଥମେ ଦୁଇସାଙ୍ଗ ପ୍ରତ୍ୟେକ ୧୫ ଲକ୍ଷ ଟଙ୍କା ଋଣ କରି ବିଜ୍ନେସ ଆରମ୍ଭ କରିଥିଲେ। ପ୍ରଥମେ ଏହି କମ୍ପାନୀ ସକେତ ଓ ଅଭିନୀତଙ୍କ ସମେତ ୭ ଜଣଙ୍କୁ ନେଇ ଆରମ୍ଭ କରାଯାଇଥିଲା। ସେମାନେ ରିସାଇକ୍ଲିଂ ପରେ ଫୋନଗୁଡ଼ିକୁ କାରରେ ନେଇ ରାସ୍ତାରେ ବିକ୍ରି କରିବା ଆରମ୍ଭ କରିଥିଲେ। ଦୁଇ ବର୍ଷ କଠିନ ପରିଶ୍ରମ କରିବା ପରେ ସଫଳତା ପାଇଥିଲେ। ସେମାନେ ଅଫ୍ଲାଇନ ଓ ଅନ୍ଲାଇନରେ ଏହି ଫୋନ୍ ବିକ୍ରି କରୁଛନ୍ତି।