ଗୁଆଗଛର ବ୍ୟବସାୟିକ ଦିଗକୁ ଭଲ ଭାବେ ଠାବ କରିଛନ୍ତି କର୍ନାଟକର ସୁରେଶ ଏସ୍.ଆର୍। ସେ ଓ ତାଙ୍କ ସ୍ତ୍ରୀ ମୈଥିଲି ମିଶି ଗୁଆଗଛରୁ ଏକ ପ୍ରକାର ପରିବେଶ ଉପଯୋଗୀ ତଥା ବିଘଟନଯୋଗ୍ୟ ଭେଗାନ ଲେଦର (ଗଛରୁ ପ୍ରସ୍ତୁତ ଶୁଦ୍ଧ ଚମଡ଼ା) ପ୍ରସ୍ତୁତ କରୁଛନ୍ତି। ଗୁଆ ଗଛର ପତ୍ର, ଖୋଳପା ଓ ଗଣ୍ଡିରୁ ଫାଇବର ବା ତନ୍ତୁ ବାହାର କରି ତାହାକୁ ଶୁଖାଯାଇ ସେଥିରୁ ଶତ ପ୍ରତିଶତ ବିଘଟନ ଯୋଗ୍ୟ ତଥା ଭେଗାନ ଲେଦର ତିଆରି କରାଯାଉଛି। ୨୦୨୦ରେ ସୁରେଶ ତାଙ୍କ ସ୍ତ୍ରୀ ସହ ‘ଭୂମି’ ସଂସ୍ଥା ଆରମ୍ଭ କରି ତା’ମାଧ୍ୟମରେ ଏହି କାର୍ଯ୍ୟ କରୁଛନ୍ତି। ବିଶେଷକରି ନେଦରଲାଣ୍ଡର ତେର୍ଜିଡ ଭେନହୋଭେନ ଇଣ୍ଡଷ୍ଟ୍ରି ସହଭାଗିତାରେ ତାଙ୍କ ଶିଳ୍ପକୁ ଆଗକୁ ବଢାଇପାରିଛନ୍ତି। ସୁରେଶ ୪ଟି ସ୍ବୟଂ ସହାୟିକା ଗୋଷ୍ଠୀଙ୍କ ସହଯୋଗରେ ଏହି ଲେଦରରୁ ବିଭିନ୍ନ ଉପତ୍ାଦ ତିଆରି କରୁଛନ୍ତି। ମୁଖ୍ୟତଃ ଚପଲ, ବହି କଭର, ଭ୍ୟାନିଟ ବ୍ୟାଗ, ପେନ୍ ଷ୍ଟାଣ୍ଡ ଆଦି ଉପତ୍ାଦ ବେଶ୍ ଆକର୍ଷଣୀୟ ହୋଇପାରିଛି। ଏହି ସବୁ ଉପତ୍ାଦକୁ କେବଳ ଭାରତରେ ନୁହେଁ ବିଶ୍ୱ ସ୍ତରରେ ପହଞ୍ଚାଇବା ଲାଗି ତାଙ୍କୁ ସୁଯୋଗ ମିଳିଛି, ଯାହାଦ୍ୱାରା ସେ ଦିଲ୍ଲୀରେ ଅନୁଷ୍ଠିତ ଜି୨୦ ସମ୍ମିଳନୀ ଅବସରରେ ହାଇଦ୍ରାବାଦରେ ଏକ ଷ୍ଟଲ୍ ମଧ୍ୟ ଖୋଲିଥିଲେ।
