ସିଲାଇ କାର୍ଯ୍ୟ ବା ଟେଲରିଂରେ ସୌରଶକ୍ତି ଉପଯୋଗ କରି ଏକ ଉଦାହରଣ ସୃଷ୍ଟି କରିଛନ୍ତି ଝାଡ଼ଖଣ୍ଡର କନିଜ ଫତିମା। ସେ ତାଙ୍କ ସ୍ବାମୀଙ୍କ ସହ ଏହିି ବିଜ୍ନେସରୁ ଏବେ ଅଧିକ ଲାଭ ପାଉଛନ୍ତି। ଝାଡ଼ଖଣ୍ଡ ରାମଗଡ଼ ଜିଲା ମାଗନପୁର ଗାଁରେ ରହନ୍ତି ଏହି ଦମ୍ପତି। ସେମାନେ ଟେଲରିଂରୁ ପ୍ରଥମେ ଦିନକୁ ୧୫୦ ଟଙ୍କା ପାଉଥିବାବେଳେ ଏବେ ତିନିଗୁଣ ରୋଜଗାର କରୁଛନ୍ତି। ସେମାନେ ଘର ଛାତରେ ସୋଲାର ପ୍ୟାନେଲ ସେଟ୍ କରିଛନ୍ତି ଓ ଉପତ୍ାଦିତ ଶକ୍ତିକୁ ବିଜ୍ନେସରେ ଲଗାଇବା ସହ ଘରର ଶକ୍ତି ଚାହିଦା ମଧ୍ୟ ପୂରଣ କରୁଛନ୍ତି। ଏବେ ୨୪ ଘଣ୍ଟା ଶକ୍ତି ପାଉଛନ୍ତି। ସେହିଭଳି ଉତ୍ତର କର୍ନାଟକର ଅଗସାଲକଟା ଗାଁର ରୋଜି ଲୁଇସ ଡବାଲେ ସୌରଶକ୍ତି ଚାଳିତ ମେଶିନରେ ରୁଟି କରି ବ୍ୟବସାୟ କରୁଛନ୍ତି । ସେ ମଧ୍ୟ ନିଜ ଘରେ ସୌରଶକ୍ତି ଉପତ୍ାଦନ କରୁଛନ୍ତି। ରୋଜି ଜଣେ ସ୍ବାସ୍ଥ୍ୟକର୍ମୀ ହୋଇ ମଧ୍ୟ ସୋରଶକ୍ତି ଉପତ୍ାଦନ ଓ ତା’ ମାଧ୍ୟମରେ ରୁଟି କରି ଆୟ ବଢ଼ାଇବା କାର୍ଯ୍ୟ ଅନ୍ୟ ଭାରତୀୟ ମହିଳାଙ୍କୁ ସ୍ବାବଲମ୍ବୀ ହେବା ପାଇଁ ବାଟ ଦେଖାଇଛି।