ଶିଲଂ,୨୦।୬: ଜୁନ୍ ୩ରେ ନିଖୋଜ ପରେ ଦୁର୍ଘଟଣା ଗ୍ରସ୍ତ ହୋଇଥିବା ଭାରତୀୟ ବାୟୁସେନା ବିମାନ ଏଏନ୍-୩୨ରେ ଥିବା ବ୍ୟକ୍ତିଙ୍କ ମଧ୍ୟର ୬ ଜଣଙ୍କ ମୃତ ଶରୀର ମିଳିଥିବା ଜଣାପଡିଛି। ପ୍ରତିରକ୍ଷା ପ୍ରବକ୍ତା ତଥା ଓ୍ବିଙ୍ଗ କମାଣ୍ଡର ରତ୍ନାକର ସିଂ ଗୁରୁବାର ଏହି ସୂଚନା ଦେଇଛନ୍ତି। ସୂଚନାଯୋଗ୍ୟ, ଅରୁଣାଚଳ ପ୍ରଦେଶରେ ଦୁର୍ଘଟଣା ଗ୍ରସ୍ତ ହୋଇଥିବା ଏଏନ୍-୩୨ ବିମାନର ବ୍ଲାକ ବକ୍ସ ମିଳିଥିବା ବେଳେ ଏହା କ୍ରାସ୍ ହୋଇ ଯାଇଥିବାରୁ ଦୁର୍ଘଟଣାର କାରଣ ଜାଣିବାକୁ ଆହୁରି ଅଧିକ ସମୟ ଲାଗିବ ବୋଲି ସୋମବାର ପ୍ରକାଶ କରିଥିଲା ଭାରତୀୟ ବାୟୁସେନା। ଏଥିରେ ୧୩ ଜଣ ବ୍ୟକ୍ତି ଥିବା ବେଳେ ଦୁର୍ଘଟଣାରେ ସମସ୍ତଙ୍କ ମୃତ୍ୟୁ ହୋଇଥିଲା।