କ୍ରିକେଟରେ ହ୍ୟାଟ୍ରିକ୍ ନେବା ସବୁ ବୋଲରଙ୍କଙ୍କ ସ୍ବପ୍ନ ଥାଏ। ଏକଦିବସୀୟ କ୍ରିକେଟରେ ଏପର୍ଯ୍ୟନ୍ତ ୪୯ଟି ହ୍ୟାଟ୍ରିକ ହୋଇଛି। ପ୍ରଥମ ହ୍ୟାଟ୍ରିକ ବେଶ୍ ରୋଚକ ଥିଲା। ସାଧାରଣତଃ ବେଲାରମାନେ ହ୍ୟାଟ୍ରିକ୍ ନେଲେ ସେହି ମୁହୂର୍ତ୍ତରେ ଖୁସି ହୋଇଥାନ୍ତି। ଆପଣ ଜାଣି ଆଶ୍ଚର୍ଯ୍ୟ ହେବେ ପ୍ରଥମ ହ୍ୟାଟ୍ରିକ ନେବା ପରେ ବୋଲର ମ୍ୟାଚ୍ର ପରଦିନ ଖୁସି ପାଳନ କରିଥିଲେ। ୧୯୮୨, ରେ ପାକିସ୍ତାନ ଡାହାଣହାତୀ ପେସର ଜଲାଲୁଦ୍ଦିନ ଏକଦିବସୀୟ କ୍ରିକେଟରେ ପ୍ରଥମ ହ୍ୟାଟ୍ରିକ ନେଇଥିଲେ। ଅଷ୍ଟ୍ରେଲିଆ ବିପ’ରେ ସେ ଏହି କୃତିତ୍ୱ ଅର୍ଜନ କରିଥିଲେ। ଜଲାଲୁଦ୍ଦିନଙ୍କ ଆଜି ୬୧ତମ ଜନ୍ମଦିନ। ପାକିସ୍ତାନର କରାଚିରେ ଜନ୍ମଗ୍ରହଣ କରିଥିବା ଜଲାଲୁଦ୍ଦିନ ଏହି ହ୍ୟାଟ୍ରିକରେ ସେ ଖୁସି ଥିଲେ, କିନ୍ତୁ ପ୍ରଥମ ଥର ପାଇଁ ଏକଦିବସୀୟ କ୍ରିକେଟରେ ଏହି ସଫଳତା ହାସଲ କରିଛନ୍ତି ସେ ଜାଣି ନ ଥିଲେ। ମ୍ୟାଚର ପରଦିନ ରେକର୍ଡ ବୁକ ଯାଞ୍ଚ କରାଯାଇଥିଲା। ତା’ପରେ ଏହି ବିଶ୍ୱ ରେକର୍ଡ ପ୍ରକାଶ ପାଇଲା। ଯାହା ଜଲାଲୁଦ୍ଦିନଙ୍କ ଖୁସିକୁ ଦ୍ୱିଗୁଣିତ କରିଥିଲା। ସେ ପାକିସ୍ତାନ ପକ୍ଷରୁ ୮ ଟି ଏକଦିବସୀୟ ଖେଳି ୧୪ଟି ଉଇକେଟ ନେଇଥିଲେ। ସେହିପରି ୬ଟି ଟେଷ୍ଟ ୧୧ ଉଇକେଟ ନେଇଥିଲେ।