କୋଲକାତା,୩୦।୧୨: ଏକାଠି ହୋଇ ଭାଜପାକୁ ଏକଘରିଆ କରିବାକୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ସୋମବାର ଏକ ରାଲିରେ ସମବେତ ଲୋକଙ୍କୁ ଆହ୍ବାନ ଜଣାଇଛନ୍ତି। ସିଏଏକୁ ବିରୋଧ କରି ଏହି ରାଲି କରାଯାଇଥିଲା। ଭାରତ ମାତା ଆମ ସମସ୍ତଙ୍କର। ଆମେ ଯେଉଁଠି ଚାହିଁବା ସେଠି କାମ କରିପାରିବା ତଥା ରହିପାରିବ। ପଶ୍ଚିମବଙ୍ଗରେ ବିହାର, ଉତ୍ତରପ୍ରଦେଶ, ରାଜସ୍ଥାନ ସମେତ ଅନ୍ୟ ରାଜ୍ୟର ଲୋକେ ବାସ କରିବା ସହିତ ବିଭିନ୍ନ କାମରେ ନିୟୋଜିତ ଅଛନ୍ତି। ଏପରିସ୍ଥଳେ କୌଣସି ବର୍ଗଙ୍କୁ ଦେଶରୁ ବାହାର କରିବା ଅଧିକାର ଭାଜପାର ନାହିଁ ବୋଲି ମମତା କହିଛନ୍ତି। ସଭିଏଁ ମିଳିତ ହୋଇ ସିଏଏ ବିରୋଧରେ ସ୍ବର ଉତ୍ତୋଳନ କରିବା ଉପରେ ମମତା ଜୋର୍ ଦେଇଛନ୍ତି।